فاروق عبداللہ کیوں رو پڑے؟

جموں و کشمیر کے سابق وزیر اعلیٰ ڈاکٹر فاروق عبداللہ نے کہا کہ میرے دروازے پر بڑا تالا لگایا گیا ہے۔

ڈاکٹر فاروق عبداللہ نے کہا کہ امت شاہ جھوٹ بول رہے ہیں کہ میں گھر میں نظر بند نہیں ہوں۔

فاروق عبداللہ نے کہا کہ ہماری ریاست کو تقسیم کر دیا ہے۔ جموں و کشمیر کے لوگوں کو قید کر کے رکھا ہے۔انہوں نے کہا کہ میں بہت اداس ہوں کہ امت شاہ اتنا جھوٹ بول رہے ہیں کہ مجھے نظر بند نہیں کیا گیا ہے۔فاروق عبداللہ نے سوالیہ انداز میں کہا کہ آپ( امت شاہ) کون ہوتے ہو مجھے قید کرنے والے۔

انہوں نے جذباتی انداز میں کہا کہ مرکز نے ریاست میں ہندو اور مسلمانوں کو الگ کر دیا ہے۔

انہوں نے کہا کہ ہم جمہوریت پر یقین رکھنے والے لوگ ہیں اور یہ وہ بھارت نہیں ہے جس بھارت کو میں جانتا ہوں، میرا بھارت تو جمہوری اقدار کا حامل ہے۔

اگر مجھ پر گولیاں چلانی ہے تو میرے سینے پر چلاؤ نہ کہ میرے پیٹھ پر۔

فاروق عبداللہ نے کہا کہ آج میرا بیٹا عمر عبداللہ جیل میں ہے اور نہ جانے کتنے لوگ قید میں ہونگے اور آنے والے وقت میں کتنوں کو اس طرح کی سزا بھگتنی ہوگی۔ لیکن یہ اس جرم کی سزا ہے جو ہم نے کی ہی نہیں۔ ہمیں کون بتائے گا کہ ہمیں بے جا قید و بند میں کیوں رکھا گیا ہے؟