شمالی کشمیر کے اوڑی سیکٹر میں گذشتہ دو دنوں سے جاری سرچ آپریشن تیسرے دن بھی جاری رہا۔ حکام کا کہنا ہے کہ فوج کی جانب سے لائن آف کنٹرول کے ساتھ ساتھ اوڑی سیکٹر میں شروع کیا گیا سرچ آپریشن تسیرے دن بھی جاری رہا۔اس دوران ایک فوجی جوان بھی زخمی ہوا ہے-
شعبہ دفاع کے ترجمان کا کہنا ہے اوڑی میں سرچ آپریشن جاری رہا ۔اس سرچ آپریشن کے لئے مزید پولیس اہلکاروں کوطلب کیاگیاتھا۔ انہوں نے کہا کہ سرچ آپریشن کے دوران ایک پولیس فوجی جوان زخمی ہوا ہے۔ تاہم ان کی حالت مستحکم ہے۔ اور وہ خطرہ سے باہر ہیں۔انہوں نے مزید کہا کہ دراندازی کی کوششوں کو ناکام بنانے کے لیے علاقے پر کڑی نظر رکھی جا رہی ہے۔
ایک سینئر پولیس عہدیدار نے علاقے میں آپریشن جاری رکھنے کی تصدیق کی ہے۔دریں اثنا ضلع بارہمولہ کی اوڑی تحصیل میں موبائل اور انٹرنیٹ خدمات آج شام دوبارہ شروع کی گئیں۔واضح رہے کہ حکام نے موبائلاور انٹر نیٹ خدمات کو پیر کی دوپہر کو معطل کر دیا تھا جب فوج نے مبینہ طور پر کہا کہ اسلحہ سے لیس سکریت پسندوں کے ایک گروپ کو روک لیا گیا ہے۔ اور اوڑی سیکٹر میں لائن آف کنٹرول پر دراندازی کی کوشش کی جا رہی ہے۔