Two Militants Killed in Rajouri: راجوری میں فوجی کیمپ کے باہر دو عسکریت پسند اور چار بھارتی فوجی اہلکار ہلاک

راجوری کے درہل علاقے میں پرگل میں فوجی کیمپ کی باڑ کو کسی نے عبور کرنے کی کوشش کی، اسی دوران سکیورٹی فورسیز اور عسکریت پسندوں کے درمیان گولیوں کا تبادلہ ہوا، جس کے نتیجے میں دو عسکریت پسند مارے گئے ہیں جبکہ چار فوجی اہلکار بھی ہلاک ہوئے ہیں، جن کی شناخت صوبیدار راجندر پرساد، رائفل مین منوج کمار اور رائفل مین لکشمنن ڈی کے طور پر کی گئی ہے۔

مرکز کے زیر انتظام خطہ جموں و کشمیر کے راجوری کے درہل علاقے میں پرگل میں فوجی کیمپ کی باڑ کو عسکریت پسندوں نے عبور کرنے کی کوشش کی۔ اسی دوران سکیوریٹی فورسیز اور عسکریت پسندوں کے درمیان گولیوں کا تبادلہ ہوا، جس کے نتیجے میں دو عسکریت پسند مارے گئے جبکہ چار فوجی اہلکار بھی ہلاک ہوئے ہیں۔ زخموں کی تاب نہ لاکر فوت ہونے والے چوتھے فوجی کی شناخت نشانت ملک کی حیثیت سے کی گئی ہے جو ریاست ہریانہ کے حسار ضلع کے ہنسی آدرش نگر کے رہنے والے تھے۔

بھارتی فوجی اہلکار ہلاک

جموں زون کے اے ڈی جی پی مکیش سنگھ کے مطابق درہل کے پولیس اسٹیشن سے تقریباً چھ کلو میٹر کے فاصلے پر یہ واقعہ پیش آیا۔ مقام واقعہ پر اضافی فورس روانہ کی گئی ہیں۔

بتایاجارہا ہے راجوری سے 25 کلومیٹر دور واقع ایک فوجی کیمپ پر عسکریت پسندوں نے خود کش حملہ کیا، اس دوران دونوں عسکریت پسند مارے گئے ہیں، بھارتی فوجی اہلکار کے مطابق آپریشن ابھی جاری ہے۔

سکیورٹی فورسز نے اس علاقے سے کافی مقدار میں اسلحہ و گولہ بارود برآمد کیا ہے۔ جن میں Ak47 اور دیگر ہتھیار شامل ہیں۔

بھارتی فوجی اہلکار کے مطابق راجوری میں واقع فوجی کیمپ کے پاس دو عسکریت پسند حملے کے فراق میں تھے ۔ اسی دوران سکیورریٹی فورسیز اور عسکریت پسندوں کے درمیان گولیوں کا تبادلہ ہوا جس میں دونوں عسکریت پسند ہلاک ہو گئے جبکہ پانچ فوجی اہلکار زخمی ہوئے ہیں۔