Tulip Garden In Srinagar: باغ گل لالہ 23 مارچ سے کھول دیا جائے گا

شہرہ آفاق جھیل ڈل کے کناروں اور دلکش زبرون پہاڑیوں کے دامن میں واقع ایشیا کے سب سے بڑے باغ گل لالہ کو سیاحوں کے لیے سجانے سنوارنے کے لیے کام شد ومد سے جاری ہے۔حکام کے مطابق باغ کو سیاحوں کے لیے 23 مارچ کو کھل دیا جائے گا۔Tulip Garden To Be Thrown Open On March 23

سرینگر: شہرہ آفاق جھیل ڈل کے کناروں اور دلکش زبرون پہاڑیوں کے دامن میں واقع ایشیا کے سب سے بڑے باغ گل لالہ کو سیاحوں کے لیے سجانے سنوارنے کے لیے کام شد ومد سے جاری ہے۔

بتادیں کہ باغ گل لالہ کو رواں ماہ کی 23 تاریخ سے سیاحوں کے لیے کھولا جا رہا Tulip Garden Open For Publicہے۔ذرائع کے مطابق باغ کو سیاحوں کے لیے سجانے سنوارنے کا کام شد ومد سے جاری ہے۔

انہوں نے کہا کہ وہاں باغبان پودوں کی سینچائی و کھدائی و دیگر امور انجام دینے میں مصروف عمل ہیں۔

ذرائع کے مطابق قریب 6 سو کنال اراضی پر محیط اس باغ گل لالہ میں لاکھوں اقسام کے خوبصورت اور دلپذیر ٹولپ پودوں کو لگایا گیا ہے اور باغ جنت کا نظارہ پیش کررہا ہے۔

باغ کے ایک منتظم نے بتایا کہ امسال کافی زیادہ تعداد میں سیاحوں کے آنے کی امید ہے کیونکہ سال گذشتہ تمام تیاریوں کے بعد یہاں کوئی نہیں آسکا۔

انہوں نے کہا کہ باغ کو سیاحوں کے لئے پوری طرح سے تیار کیا جا رہا ہے اور ہم دعوے سے کہتے ہیں جو بھی سیاح اس کی خوبصورتی سے لطف اندوز ہونے کے لئے ایک بار یہاں آئے گا وہ پھر ہر سال یہاں آتا رہے گا۔

اسسٹنٹ فلور کلچر آفیسر ٹولپ گارڈن انعام الرحمن نے بتایا کہ ایشیاءکے سب سے بڑے باغ گل لالہ کو 23 مارچ کو سیاحوں کے لیے کھولا جا رہا ہے۔

انہوں نے بتایا کہ قریب چھ سو کنال اراضی پر محیط باغ گل لالہ میں اس سال 68 اقسام کے زائد 15لاکھ ٹیولپ بلب موجود ہیں۔اُن کے مطابق اس باغ کو جاذب نظر بنانے کی خاطر رواں سال مختلف اقسام کے درخت بھی لگائے گئے ہیں۔

آفیسر موصوف نے بتایا کہ ٹیولپ گارڈن کے مشرق میں ساکورا باغ بنایا جارہا ہے جس پر کام شدو مد سے جاری ہے۔انہوں نے کہاکہ اس باغ میں عمارتوں پر کام مکمل ہو چکا ہے اور یہ سیاحوں کو اپنے اور راغب کرئے گا۔

انہوں نے مزید بتایا کہ رواں سال ٹیولپ فیسٹیول بھی منعقد ہونے جارہا Tulip Festival in Srinagar ہے اورا س حوالے سے تاریخ کا تعین بعد میں کیا جائے گا۔

انعام الرحمن نے کہا کہ میلےکے دوران سیاحوں کی تفریح کے لیے کچھ خاص مہمانوں کو بھی مدعو کرنے کا امکان ہے۔

انہوں نے کہا کہ وادی میں کورونا پابندیاں ہٹائے جانے کے بعد اس سال لوگ ٹیولپ کے خوبصورت پھولوں کے نظاروں سے لطف اندوز ہوں گے۔

قابل ذکر ہے کہ کشمیر کے باغ گل لالہ کو ورلڈ ٹولپ سوسائٹی نے سال 2014 میں دنیا کا دوسرا خوبصورت ترین باغ قرار دیا تھا۔

(یو این آئی)