ترال: بی جے پی رہنما الطاف ٹھاکر نے خانقاہ فیض پناہ پر حاضری دی

جموں و کشمیر بی جے پی کے ترجمان الطاف ٹھاکر نے آج ترال کا دورہ کیا اور خانقاہ فیض پناہ پر حاضری دی-

جموں و کشمیر کے ترال میں واقع حانقاہ فیض پناہ پر جموں و کشمیر بی جے پی کے ترجمان الطاف ٹھاکر نے حاضری دی۔ انہوں نے وہاں جاری تعمیراتی کاموں کا جائزہ لیا اور اوقاف کے ذمہ داروں سے ملاقات کی۔

بی جے پی ترجمان نے ٹاون ہال ترال میں ایس ٹی مورچہ کی جانب سے منعقدہ ایک پروگرام میں بھی شرکت کی۔ اس موقع پر ایس ٹی مورچہ کے سیکرٹری عبدالرشید گوجر بھی موجود تھے۔

میڈیا سے بات کرتے ہوئے الطاف ٹھاکر نے بتایا کہ آج ترال دورے کے دوران خانقاہ فیض پناہ کی زیارت کی اور یہاں چل رہے کام کا جائزہ لیا گیا۔ انہوں نے کہا کہ کام سست رفتاری سے کئے جارہے ہیں جبکہ اس حوالے سے متعلقہ عہدیداروں سے بات کی گئی اور انتظامیہ کی نوٹس میں لایا جائے گا۔

انہوں نے مزید کہا کہ ایس ٹی مورچہ کے اجلاس میں بھی مختلف مسائل پر غور و خوص کیا گیا۔