صدر جمہوریہ کی آمد پر بلیوارڈ اور گپکار روڈ پر گاڑیوں کی آمدورفت معطل رہے گی

ٹریفک پولیس سرینگر کے مطابق 25 تا 27 جولائی تک سرینگر کے بلیوارڈ اور گپکار روڈ پر گاڑیوں کہ آمدورفت معطل رہے گی۔ بلیوارڈ اور گپکار کے راستے سفر کرنے والوں کو ہدایت دی گئی ہے کہ وہ اتوار سے منگل تک متبادل راستہ اختیار کریں۔

محکمہ ٹریفک نے گاڑیاں چلانے والوں سے استدعا کی ہے کہ وہ رام منشی باغ ڈلگیٹ رعناواری، حضرت بل،حبک ،فورشور،نشاط کا راستہ اختیار کریں ۔
عوام کو مطلع کرنے کےحوالے سے ٹریفک پولیس کے جاری کردہ بیان میں مزید کہا گیا ہے کہ رام منشی باغ کراسنگ، بڈیاری کراسنگ ڈلگیٹ اور نشاط فورشور کراسنگ پر ٹریفک کو موڈ دیا جائے گا۔
واضح رہے صدر جمہوریہ رام ناتھ کووند 25جولائی سے 27جولائی تک جموں وکشمیر کے اپنے تین روزہ دورے پر اتوار کو سرینگر پہنچ رہے ہیں۔
ذرائع کے مطابق سرینگر میں ایک تقریب شرکت کے بعد 26 جولائی صدر ہند کرگل جنگ میں شہد ہوئے فوجی جوانوں کو خراج پیش کرنے کے لیے دراس میں ہونے والی تقریب میں حصہ لیں گے۔
یاد رہے کہ سنہ 1999 میں بھارت اور پاکستان کے مابین کرگل جنگ میں بھارت کی کامیابی پر دراس وار میموریل میں فوج مختلف تقاریب کا اہتمام کرتی ہیں جس میں ہلاک فوجیوں کو خراج عقیدت پیش کیا جاتا ہے۔