مرکز کے زیر انتظام جموں و کشمیر کے ضلع پلوامہ میں محکمہ یوتھ سروسز اینڈ اسپورٹس کی جانب سے بچوں کے لئے ٹریکنگ ٹور پروگرام کا انعقاد کیا گیا۔
اس ٹریکنگ ٹور کا مقصد بچوں کو پڑھائی کے ساتھ ساتھ کھیل کود میں بھی دلچسپی بڑھانا ہے۔
اس موقع پر ضلع ترقیاتی کمشنر پلوامہ نے بچوں سے کہا کہ وہ اس محمکہ کی جانب سے ایسی پروگرامز کا فائدہ اٹھائیں اور پڑھائی کے ساتھ ساتھ کھیل کود میں بھی حصہ لیں۔
انہوں نے کہا کہ کھیل خود سے انسان تندرست رہتا ہے، کھیل کود سے انسان ذہنی پریشانی میں مبتلا نہیں ہوتا ہے۔
اس موقع پر بچے بھی کافی خوش نظر آئے، بچوں نے بات کرتے ہوئے کہا کہ ہم پہلی بار ٹریکنگ ٹور پر جا رہے ہیں۔ انہوں نے محمکہ یوتھ سروسز اینڈ اسپورٹس کے ساتھ ساتھ انتظامیہ کا بھی شکریہ ادا کیا اور کہا کہ آئندہ بھی ایسے ٹور پروگرامز منعقد ہونے چاہیے۔
یہ بھی پڑھیں: ملک میں کورونا کے فعال کیسز میں اضافہ جاری
واضح رہے کہ اس ٹریکنگ پروگرام کے تحت سرکاری اسکولز کے تین سو بچوں کو تین دن تک ٹریکنگ ٹور کے لئے پہلگام روانہ کیا گیا ہے۔