Three Shops Sealed in Srinagar سی اے پی ڈی کی کارروائی، تین دکانیں سربمہر

امور صارفین و عوامی تقسیم کاری محکمے کی انفورسمنٹ ونگ نے سرینگر کے مختلف علاقوں میں مارکیٹ چیکنگ کی جس میں تین دکانوں کو سربمہر کرنے کے علاوہ دکانداروں پر جرمانہ بھی عائد کیا جو کہ زائد المیعاد اور من مانی قیمتوں میں خورد و نوش کی اشیاء فروخت کر رہے تھے۔ Three Shops Sealed For Charging High Rates In Srinagar

سرینگر:جموں و کشمیر کے سرینگر شہر میں بدھ کے روز امور صارفین و عوامی تقسیم کاری محکمے کے مارکیٹ چیکنگ سکواڈ نے کارروائی کے دوران گوشت کی ایک اور سبزی کی دو دکانوں کو سربمہر کیا۔ مذکورہ قصاب اور سبزی فروش زیادہ اور من مانی قمتیں لوگوں سے وصول کررہے تھے۔ Three Shops Sealed in Srinagar

وہیں مذکورہ ٹیم نے خلاف ورزی کے مرتکب 75 دکانداروں سے 30 ہزار 5 سو روپے جرمانے کی رقم بھی وصول کی۔ واضح رہے کہ محکمہ نے رواں مالی سال کے دوران قانون کے خلاف ورزی کرنے والے 10 ہزار 20 دکانداروں سے 47 لاکھ20 ہزار 8 سو روپے جرمانے کی رقم وصول کی ہے جب کہ 175 دکانوں اور دیگر تجارتی یونٹس کو سربمہر کرنے کے علاوہ حکم عدولی کرنے والے 11 تاجروں کے خلاف ایف آئی آر بھی درج کی ہے۔

اس دوران کشمیر صوبے کے انفورسمنٹ ونگ کے اسسٹنٹ ڈائریکٹر مشتاق احمد وانی نے لوگوں سے اپیل کی کہ وہ محکمہ کا تعاون کریں تاکہ اس طرح کی خلاف ورزی کرنے والے دکانداروں کے خلاف قانون کے تحت کارروائی عمل میں لائی جاسکے۔