رمضان کا ذائقہ: حلیم کے لیے اتنا جنون کیوں؟

اگر رمضان کا مہینہ ہو اور آپ حیدر آباد کے دورے پر ہوں اور حلیم کے ذائقے سے لطف اندوز نہ ہو تو آپ کا سفر ادھورا ہی کہا جائے گا۔

رمضان کے مہینے میں اگر حلیم نہ ہو تو حیدر آباد کے روزے داروں کی افطار جیسے پھیکی ہوتی ہے۔

حلیم ایشیا کے معروف پکوانوں میں سے ایک ہے جو رمضان المبارک میں حیدرآباد میں خاص طور پر سے دستیاب ہوتی ہے۔

یہاں کے لوگ حلیم بہت شوق سے کھاتے ہیں۔ لوگوں کی بڑی تعداد جہاں ہوٹلوں میں حلیم کے ذائقے سے لطف اندوز ہوتی ہے وہیں بہت سے لوگ اسے اپنے گھروں میں بھی تیار کرتے ہیں۔

حلیم دراصل ایک عربی پکوان ہے جو گوشت، گھی، گندم، چاول اور دالوں کے علاوہ مختلف اقسام کے مصالحے سے تیار کیا جاتا ہے۔کہا جاتا ہے کہ گھی کے بغیر حلیم ادھوری ہے۔

حلیم میں مختلف ویٹامنز اور کاربوھائڈریٹز ہوتے ہیں جو صحت کے لیے فائدہ مند ہے۔

تو اگر آپ حیدرآباد میں ہوں تو حلیم کا ذائقہ ضرور چکھیں، یقین جانیئے مزہ آجائے گا۔