ٹینکر حادثہ میں ڈرائیور اور کنڈکٹر ہلاک

تاریخی مغل روڈ پر جمعہ کی صبح ایک ٹینکر حادثہ پیش آیا جس میں دو افراد ہلاک ہوگئے۔

جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ پر جمعے کی صبح ایک ٹینکر حادثے میں ڈرائیور اور کنڈکٹر کی موت ہوگئی۔

سرکاری ذرائع نے بتایا کہ مغل روڈ پر پوشنا علاقے کے قریب جمعے کی صبح قریب ساڑھے نو بجے ایک ٹینکر، جو کشمیر سے جموں کی طرف جا رہا تھا، سڑک سے لڑھک کر ایک گہری کھائی میں جا گرا۔

انہوں نے کہا کہ اس حادثے میں ٹینکر کا ڈرائیور اور کنڈکٹر برسر موقع ہی ہلاک ہوگئے۔

مہلوک ڈرائیور کی شناخت تروندر سنگھ ساکن جموں جبکہ کنڈکٹر کی شناخت منگل سنگھ ساکن ڈوڈہ کے طور پر ہوئی ہے۔