سرینگر:ڈی ڈی سی رکن پرمیت کور جموں و کشمیر اپنی پارٹی میں شامل

مرکز کے زیر انتظام خطہ جموں و کشمیر کے گرمائی دارلحکومت سرینگر میں ضلع بارہ مولہ کے ڈنگی وچھ علاقے سے تعلق رکھنے والی پیپلز کانفرنس کی رہنما اور ڈی ڈی سی ممبر پرمیت کور اپنے کئی کارکناں کے ہمراہ اپنی پارٹی میں باضابطہ شمولیت کا اعلان کیا۔

ڈی ڈی سی ممبر پرمیت کور کی اپنی پارٹی میں شمولیت کے دوران پارٹی صدر الطاف بخاری نے ان کا استقبال کیا اور انہیں مبارکبادی پیش کی۔ اس موقع پر اپنی پارٹی کےرہنما غلام حسن میر اور محمد دلاور میر سمیت دیگر رہنما موجود تھے۔

پرمت کور نے میڈیا سے بات کرتے ہوے پیپلز کانفرنس پہ الزام عائد کیا کہ اس پارٹی میں لوگوں کی خدمت کرنے یا کام کرنے پر کافی مشکلات کا سامنا کرنا پڑتا تھا۔ جبکہ مجھے اپنے علاقے کے لوگوں کی خدمت کرنی ہے جس کے لئے عوام نے ان کا انتخاب کیا تھا۔

اپنی پارٹی میں شمولت اختیار کرنے سے متعلق ایک سوال کے جواب میں انہوں کہا کہ یہ نئی پارٹی اور نئی سوچ رکھنے والی جماعت ہے جو لوگوں کی صحیح ترجمانی کرتی ہے۔ اس لیے میں نے اس پارٹی شمولیت کی۔