سرینگر:حادثاتی طور پر گولی چلنے سے سی آر پی ایف اہلکار ہلاک

جموں و کشمیر کے گرمائی دارالحکومت سرینگر میں سنٹرل ریزرو پولیس فورس (سی آر پی ایف) کے ایک اہلکار اپنی ہی سروس رائفل سے حادثاتی طور پر گولی لگنے سے ہلاک ہوگئے ہیں۔

مہلوک اہلکار کی شناخت سچن یادو کے طور پر ہوئی ہے اور وہ سرینگر کے ہفت چنار علاقے میں قائم سی آر پی ایف کمپ کے 4 بٹالین میں تعینات تھے۔
سی آر پی ایف ترجمان ابھی رام نے ای ٹی وی بھارت کو بتایا کہ سچن یادو اپنی ہی سروس رائفل سے حادثاتی طور نکلنے والی گولی سے ہلاک ہوئے ہیں۔ ان کا مزید کہنا ہے کہ اس معاملے کی مزید جانچ کی جارہی ہے۔