گاندربل میں سڑک حادثہ

وسطی کشمیر کے ضلع گاندربل کے گٹریبال سمبل علاقے میں نجی گاڑیوں کی ٹکر میں چھ افراد زخمی ہو گئے۔

اطلاعات کے مطابق نجی گاڑی سویفٹ ڈیزائر (JK 01 AH 9053) سیاحتی مقام سونمرگ کی طرف جا رہی تھی کہ سمبل علاقے میں دوسرے طرف سے آنے والی گاڑی آئی 20 (JK 01 AJ 6365) سے ٹکرا گئی۔ اس حادثے میں چھ افراد زخمی ہوگئے جن میں دو بچے بھی شامل ہیں۔

مقامی نوجوانوں نے زخمی لوگوں کو فوراً نزدیکی اسپتال کنگن پہنچایا کیا جہاں سے انہیں مزید علاج کے لیے سینگر منتقل کر دیا گیا۔

پولیس نے کیس درج کرکے تحقیقات شروع کر دی ہے۔