شوپیان: نامعلوم بندوق برداروں کے حملہ میں پولیس اہلکار کا بیٹا زخمی

مقامی لوگوں کے مطابق نامعلوم بندوق برداروں نے ضمیر احمد لون کو اس کے گھر سے باہر نکال کر اس پر گولی چلائی جس کی وجہ سے ضمیر زخمی ہو گیا۔

جنوبی کشمیر کے شوپیان ضلع میں نامعلوم بندوق برداروں نے ایک مقامی پولیس اہلکار کے بیٹے پر گولیاں چلائیں جس کی وجہ سے وہ زخمی ہو گیا۔

شوپیان ضلع کے چتراگام کالن علاقے میں نامعلوم بندوق برداروں نے پولیس اہلکار عبدالحمید لون کے بیٹے جس کی شناخت ضمیر احمد لون کے طور پر ہوئی، پر گولیاں چلائیں جس کی وجہ سے وہ زخمی ہو گئے اور اسے فوراً علاج و معالجہ کے لیے زینہ پورہ ہسپتال پہنچایا گیا۔

مقامی لوگوں کے مطابق نامعلوم بندوق برداروں نے ضمیر احمد لون کو اس کے گھر سے باہر نکال کر اس پر گولی چلائی جس کی وجہ سے ضمیر زخمی ہو گیا اور اسے نزدیکی ہسپتال زینہ پورہ پہنچایا گیا۔ مقامی لوگوں نے مزید بتایا کہ 25 سالہ زمیر احمد اپنے ہی علاقے چتراگام میں ریڈی میڈ گارمنٹس کی دکان چلاتا ہے۔

واقعہ کے فوراً بعد پولیس و فورسز اہلکاروں نے پورے علاقے کو محاصرے میں میں لیکر حملہ آوروں کو ڈھونڈ نکالنے کی کوششیں شروع کر دی ہے۔