شوپیان: حادثاتی فائرنگ سے میجر ہلاک

جنوبی کشمیر کے ضلع شوپیان کے چوگام علاقے میں واقع 44 راشٹریہ رائفلز فوجی کیمپ میں حادثاتی طور پر گولی لگنے کے نتیجے کیمپ کے میجر میانک وشنوی (آی سی نمبر۔78088F) ہلاک ہوگئے۔

جنوبی کشمیر کے شوپیان ضلع کے چوگام علاقے میں قائم 44 راشٹریہ رائفلز فوجی کیمپ میں حادثاتی طور بندوق سے گولی نکلنے کے نتیجے کیمپ کے میجر میانک وشنوی (آی سی نمبر۔78088F) ہلاک ہو گئے۔

مذکورہ فوجی کیمپ کے صوبیدار شری آوم نے پولیس کو دیے گئے بیان میں کہا کہ گذشتہ ماہ کی 27 تاریخ کو شوپیان کے چوگام علاقہ میں واقع 44 راشٹریہ رائفلز فوجی کیمپ کے میجر میانک وشنوی کی ہی بندوق سے اچانک گولی نکلی جس کے سبب وہ زخمی ہوگئے۔

زخمی میجر کو فوری طور پر علاج کے لیے سرینگر کے بادمی باغ کے 92 بیس اسپتال منتقل کیا گیا۔ اس کے بعد بہتر علاج کے لیے کمانڈ اسپتال ادھمپور منتقل کیا گیا۔ تاہم زخموں کا تالاب نہ لاکر آج میجر نے دم توڑ دیا۔

پولیس اور دیگر افسران معاملہ کی جانچ کر رہے ہیں۔