غمگین خاندان کا انصاف کا مطالبہ

منگل کو پڈر پورہ گاؤں میں ضلع انتظامیہ اور مقامی لوگ عبدالسلام کے قبضے میں شاملات زمین خالی کرنے کے لئے آئے تھے جس دوران وہاں مقامی لوگوں اور ہلاک شدہ شخص اور اس کے لواحقین کے درمیان ہنگامہ برپا ہوا۔

جنوبی کشمیر کے ضلع شوپیان کے پڈر پورہ گاؤں میں منگل کو شاملات (سرکاری زمین) سے مقامی لوگوں کا قبضہ ہٹانے کے دوران ایک مقامی بزرگ کی دل کا دورہ پڑنے سے موت واقع ہوگئی۔

ہلاک شدہ شخص عبدالسلام (65) کے لواحقین نے اس کی لاش کو آج سرینگر کے پریس کالونی میں پیش کی اور انصاف کا مطالبہ کیا-

واضح رہے کہ منگل کو پڈر پورہ گاؤں میں ضلع انتظامیہ اور مقامی لوگ عبدالسلام کے قبضے میں شاملات زمین خالی کرنے کے لئے آئے تھے جس دوران وہاں مقامی لوگوں، مذکورہ ہلاک شدہ شخص اور اس کے لواحقین کے درمیان ہنگامہ برپا ہوا۔

انتظامیہ کے مطابق مقامی لوگوں نے انہیں اس زمین پر کھیل کا میدان بنانے کی تلقین کی تھی جس کی وجہ سے وہ اس زمین پر قبضہ ہٹانا چاہتے تھے- تاہم ہلاک شدہ شخص کے لواحقین نے الزام عائد کیا کہ چند مقامی لوگوں نے ان کے رشتہ دار کو ڈرایا دھمکایا جس کی وجہ سے اس کا حرکت قلب بند ہو گیا۔ انہوں نے عبدالسلام کی لاش کو آج صبح پریس کالونی میں لایا اور انتظامیہ سے انصاف کا مطالبہ کیا- ہلاک شدہ شخص عبدالسلام کے رشتہ دار نذیر احمد ٹھوکر نے بتایا کہ پولیس نے اس کی موت کے متعلق ابھی تک مقدمہ درج نہیں کیا ہے- ان کا مطالبہ ہے کہ انتظامیہ ان کے ساتھ انصاف کرے-