کشمیر میں یکم ستمبر سے کئی باغات اور پبلک پارک کھلیں گے

ڈائریکٹر فلوریکلچرل کشمیر کے مطابق جموں وکشمیر بینک اور محکمہ پھول بانی کے زیر نگرانی اور دیکھ ریکھ میں آنے والے کئی باغات اور پبلک پارکوں کو یکم ستمبر یعنی منگل کے روز کھولا جارہا ہے.

سیاحوں کی سیر وتفریح کے لیے کھولے جانے والی پارکوں اور باغات میں ضلع سرینگر کی بادام واری اور اقبال پارک شامل ہیں جبکہ جنوبی کشمیر میں ہائیکیرس پارک اور لدر ویوی پارک پہلگام، گلستان وزیر باغ پارک، رانی باغ پارک، داراشکوہ پارک اور پادشاہی باغ پارک بجبہارہ وغیرہ کے نام قابل ذکر ہیں۔

ادھر شمالی کشمیر بارہمولہ کی گل نار پارک کو بھی سیاحوں کے لئے کھولا جارہا ہے۔

وہیں محکمہ کی جانب سے ان پارکوں اور باغات میں سیر وتفریح کی خاطر جانے والے تمام سیاحوں کو کووڈ 19 کے رہنما خطوط پر عمل پیرا رہنے کی تاکید کی گی ہے۔جس میں سماجی دوری، ماسک پہنے اور سنیٹائزر کے استعمال پر زور دیا گیا ہے۔