اوڑی: آتشزدگی کے سبب اسکول کی عمارت کو نقصان

جمعہ کے روز شمالی کشمیر کے ضلع بارہمولہ کے جھلہ اوڑی کے تحت آنے والے چیپرمیں گورنمنٹ مڈل اسکول کی عمارت کو آتشزدگی کے سبب نقصان پہنچا ہے۔

حکام کا کہنا ہے کہ سال 2006 تعمیر کردہ دو کمروں پر مشتمل یہ عمارت آتشزدگی کے سبب جل کر راکھ ہوگئی تھی۔ انہوں نے کہا کہ مذکورہ اسکول کے علاوہ ایک دیگر عمارت کو بھی جزوی طور پر نقصان پہنچا ہے۔ تاہم پولیس اور مقامی افراد کی بروقت کوششوں سے آگ پر قابو پالیا گیا۔ انہوں نے مزید کہا کہ کہ آگ لگنے کی وجوہات کا پتہ نہیں چل سکا ہے۔

اس دوران پولیس اہلکار نے ای ٹی وی کو بتایا کہ وہ آگ لگنے کی وجوہات کی تحقیقات کررہے ہیں۔