گرفتار معراج کے رشتہ داروں کا ڈی سی آفس کے باہر احتجاج، انصاف کا مطالبہ

گرفتار شخص کا نام معراج الدین کمار ہے۔ وہ پیشے سے نانبائی ہیں۔ اہل خانہ کے مطابق انہیں کچھ دنوں قبل بھی گرفتار کیا گیا تھا اور چھ ماہ تک جیل میں رکھا گیا۔ اہل خانہ کا دعویٰ ہے کہ معراج الدین سماج مخالف یا ملک مخالف کسی بھی سرگرمی میں ملوث نہیں تھے، بلکہ وہ تو اپنے کام میں مصروف تھے۔

بڈگام کے بخر پورہ سے تعلق رکھنے والے لوگوں نے ڈی سی آفس بڈگام میں دھرنا دیا۔ ان لوگوں کا کہنا تھا کہ ان کے گھر کے ایک فرد کو پولیس نے کچھ روز قبل فون کرکے متعلقہ پولیس اسٹیشن بلایا۔ اس کے بعد انہیں چاڈورہ پولیس اسٹیشن لایا گیا۔ جب وہ اس کی تلاش میں گئے تو انہیں پتہ چلا کہ ان کے رشتہ دار کو پی ایس اے کے تحت گرفتار کرکے بیرون ریاست کسی جیل میں منتقل کر دیا گیا ہے۔

گرفتار شخص کا نام معراج الدین کمار ہے۔ اہل خانہ کے مطابق پیشے سے وہ نانبائی ہیں۔ اہل خانہ کے مطابق انہیں کچھ دنوں قبل بھی گرفتار کیا گیا تھا اور چھ ماہ تک جیل میں رکھا گیا۔ اہل خانہ کے مطابق وہ سماج مخالف یا ملک مخالف کسی بھی سرگرمی میں ملوث نہیں تھے بلکہ وہ تو اپنے کام میں مصروف تھے۔

گرفتار معراج الدین کی بیوی نے کہا کہ ان کے چھوٹے چھوٹے بچے ہیں اور ان کا معراج کے سوا کوئی سہارا نہیں ہے۔ ان کا الزام ہے کہ ان کے شوہر کو بغیر کسی جرم کے گرفتار کر لیا گیا ہے۔

وہیں معراج الدین کے بچوں کا رو رو کر برا حال ہے۔ معراج کے دیگر رشتہ داروں نے بھی ڈی سی آفس کے باہر انصاف کا مطالبہ کیا ہے۔

انہوں نے کہا کہ وہ ایس پی بڈگام کے پاس بھی گئے لیکن انہیں خالی ہاتھ لوٹنا پڑا۔ احتجاجیوں نے انتظامیہ سے اپیل کی کہ ان کے ساتھ انصاف کیا جائے اور معراج الدین کو رہا کیا جائے۔ انہوں نے یہ بھی کہا کہ اگر معراج کو رہا نہیں کیا گیا تو ان کو بھی گرفتار کرکے جیل میں بند رکھا جائے، تاہم ابھی تک یہ بات واضح نہیں ہو سکی ہے کہ معراج کو کیوں گرفتار کیا گیا ہے۔