ساگر پر عاید پی ایس اے کے خلاف سماعت متوقع

علی محمد ساگر پر عاید پی ایس اے کے خلاف جموں کشمیر عدالت عالیہ میں عرضی اپریل مہینے کی تین تاریخ کو دائر کی گئی تھی۔ ساگر گزشتہ برس پانچ اگست سے زیر حراست ہیں اور پانچ فروری کو ان پر پبلک سیفٹی ایکٹ عاید کیا گیا تھا۔

نیشنل کانفرنس کے جنرل سکریٹری علی محمد ساگر پرعاید پبلک سیفٹی ایکٹ (پی ایس اے) کے خلاف دائر عرضی پر آج جموں کشمیر عدالت عالیہ میں سماعت متوقع ہے۔
قابل ذکر ہے کہ گزشتہ مہینے کی 21 تاریخ کو عدالت عالیہ نے انتظامیہ کو ساگر پر عاید پی ایس اے پر اپنا موقف رکھنے کے لیے دس دن کی مہلت دی تھی۔

ساگر پر عاید پی ایس اے کے خلاف سماعت متوقع

عدالت نے سماعت کے دوران سینئر ایڈیشنل ایڈوکیٹ جنرل بی اے ڈار کے مطالبے پر غور کرکے جموں وکشمیر انتظامیہ کو دس دنوں میں ساگر پر پی ایس اے عائد کیے جانے کی وجہ بیان کرنے کا حکم دیا۔عدالت نے انتظامیہ سے یہ بھی کہا کہ 'ساگر کی صحت کے تعلق سے ان کی ضمانت پر غور کریں اور عدالت کے سامنے ایک تفصیلی رپورٹ بھی پیش کریں۔'واضح رہے کہ علی محمد ساگر پر عاید پی ایس اے کے خلاف جموں کشمیر عدالت عالیہ میں عرضی اپریل مہینے کی تین تاریخ کو دائر کی گئی تھی۔ ساگر گزشتہ برس پانچ اگست سے زیر حراست ہیں اور پانچ فروری کو ان پر پبلک سیفٹی ایکٹ عاید کیا گیا تھا۔ وکیل کے مطابق لگاتار جیل میں رہنے سے ساگر قلبی امراض میں مبتلا ہو چکیں ہیں۔