جموں و کشمیر پولوشن کنٹرول کمیٹی پلوامہ کی طرف سے آری پل بلاک میں عوامی مسائل کی جانکاری اور اس کے ازالے کے لیے ایک پروگرام منعقد کیا گیا، جسکی صدارت ایڈشنل ڈپٹی کمشنر ترال شبیر احمد رینہ نے کی۔
اس پروگرام میں پولوشن کنٹرول کمیٹی کے عہدیداروں کے ساتھ ساتھ عام شہریوں نے بھی شرکت کی۔ پروگرام میں لوگوں نے مقامی نالوں سے باجری، بولڈر اور ریت اٹھائے جانے جسیے مسائل کو بیان کیا۔
میڈیا سے بات کرتے ہوئے ایڈشنل ڈپٹی کمشنر ترال شبیر احمد رینا نے بتایا کہ نالہ لام اور دیگر نزدیکی نالوں کے ٹینڈر اجرا کیے گئے ہیں تاہم پولوشن کنٹرول بورڈ کا ان نالوں کے ارد گرد ماحولیات کو بچانے کے لیے اہم رول ہوتا ہے، جس کے پیش نظر اس پروگرام کا اہتمام کیا گیا تھا اور اس میں عوامی خدشات کا ازالہ کرنے کی کوشش بھی کی گئی۔
