ڈیزاسٹر منیجمنٹ محکمہ کی جانب سے تقریب منعقد

پروگرام میں قدرتی آفات سے بچنے کے لیے بچاؤ کے طریقہ کار پر ماہرین کی جانب سے ٹپس پیش کیے گئے تاکہ ایمرجنسی حالات میں زندگیوں کو بچایا جا سکے۔

ڈزاسٹر منیجمنٹ کی جانب سے آج ایس ڈی ایچ ترال میں ایک پروگرام کا اہتمام کیا گیا، جس کی صدارت ایڈیشنل ڈپٹی کمشنر ترال شبیر احمد رینہ نے کی۔ اس موقع پر قدرتی آفات سے بچنے کے لیے بچاؤ کے طریقہ کار پر ماہرین کی جانب سے ٹپس پیش کیے گئے تاکہ ایمرجنسی حالات میں زندگیوں کو بچایا جا سکے۔

اس موقع پر ماہرین نے حاضرین کے سوالات کے جوبات دیے۔ اس موقع پر نیشنل ڈیزاسٹر مینجمنٹ کے عہدیداروں کے علاوہ تحصیلدار ترال سجاد احمد اور بی ایم او ترال ڈاکٹر بشیر احمد ملک بھی موجود تھے۔

میڈیا سے بات کرتے ہوئے ایڈیشنل ڈپٹی کمشنر ترال شبیر احمد رینہ نے بتایا کہ قدرتی آفات کسی کو پوچھ کر نہیں آتی ہیں۔ لہزا یہ ضروری ہے کہ ان کے لیے تیاریاں کی جائے تاکہ ایسا ہونے پر زیادہ جانی نقصان نہ ہو۔ انھوں نے مزید بتایا کہ اس حوالے سے ترال کے قرب و جوار میں آگاہی تقریبات منعقد کی جائیں گی۔