کسانوں کی ترقی کا بہترین ذریعہ نجی کاری: وزیر زراعت

جموں و کشمیر کے گرمائی دارالحکومت سرینگر کے بی جے پی پارٹی دفتر پر مرکزی وزیر زراعت نریندر سنگھ تومر نے پریس کانفرنس میں خطاب کرتے ہوئے کہا کہ "زرعی قوانین کی اصلاح میں 30 برس لگے ہیں اور اس سے کسانوں کو کئے طرح کے فائدے پہنچیں گے۔"

بھارتیہ جنتا پارٹی کے سرینگر میں واقع دفتر میں ایک پریس کانفرنس سے خطاب کرتے ہوئے مرکزی وزیر نریندر سنگھ تومر کا کہنا ہے کہ "کسان احتجاج کررہے ہیں۔ بھارت میں کوئی کچھ بھی کہہ سکتا ہے۔ تاہم یہ بات بھی اتنی ہی صحیح ہے کہ زرعی قوانین کی اصلاح میں 30 برس لگے ہیں اور اس سے کسانوں کو کئے طرح کے فائدے پہنچیں گے۔

مرکزی وزیر کا مزید کہنا ہے کہ"کسانوں کی بہبودی کا بہترین ذریعہ نجی کاری ہے۔ جس کے لیے مرکزی حکومت کسانوں کے فائدے کے لیے کام کررہی ہے۔"

کشمیر کے ہارٹیکلچر پر ہورہے کام پر اطمینان ظاہر کرتے ہوئے اُن کا کہنا تھا کہ "اب نوجوان بھی باغبانی اور نئے طریقے کی کسانی میں پیش پیش ہورہے ہیں۔ جو کافی خوش آئند بات ہے۔

پریس کانفرنس میں ان کے ہمراہ وزیر مملکت کیلاش چودھری اور شوبھا کرندلاجے بھی تھے۔