پولیس کے ایک بیان کے مطابق ان رشتہ داروں نے خاتون کی جائیداد پر قبضہ کرنے کی کوشش میں خاتون کا قتل کیا ہے۔
غور طلب ہے کہ 4 نومبر کو سرینگر کے سیدہ کدل میں ایک خاتون کی موت ہوئی تھی اور اس کے اہل خانہ نے اس کی موت کی وجہ دل کا دورہ بتایا تھا۔
ہلاک ہوئی خاتون کا نکاح شادی پورہ کے ناصر حسین کے ساتھ ہونے والی تھی اور اس کی تقریب 4 اور 5 نومبر کو تھی۔
مذکورہ خاتون کی موت کی خبر نے ناصر کو شدید دکھ میں ڈالا تھا اور ان کو یقین نہیں ہوا کہ ان کی ہونے والی اہلیہ کی موت دل کا دورہ پڑنے سے ہوگی۔
انہوں سرینگر جوڈیشل مجسٹریٹ کی عدالت میں اپیل کی جس کے بعد عدالت نے اس معاملے پر تفتیش کرنے کی ہدایات جاری کی۔
پولیس کا کہنا ہے کہ تفتیش کے دوران انہوں نے مشتبہ افراد سے پوچھ تاچھ کی، جس دوران ہلاک ہوئی خاتون کے سوتیلے بھائی محمد شفیع سلطان، ان کا بھتیجہ واجد اور بھتیجی نگہت نے جرم کا اعتراف کیا، جس کے بعد ان پر مقدمہ درج کرکے انہیں گرفتار کرلیا گیا۔
مزید پڑھیں:
پولیس کا کہنا ہے کہ محمد شفیع سلطان نے ہلاک شدہ خاتون کی جائیداد اور زیورات ہڑپنے کے لیے لالچ میں آکر قتل کی سازش رچی اور اس نے واجد اور نگہت کے ساتھ مل کر خاتون کا گلا گھونٹ کر قتل کردیا۔