پلوامہ: پولیس نے سائبر کرائم بیداری سیمینار کا انعقاد کیا

دنیا بھر میں سائبر کرائم کے بڑھتے ہوئے رجحانات اور اس طرح کے جرائم سے عام لوگوں کو کیسے بچایا جائے اس کے بارے میں لوگوں کو آگاہ کرنے کے لیے ایس ایچ او کاکاپورہ سمیت مختلف پولیس افسران نے انٹرنیٹ فراڈ، شناختی فراڈ، کارڈ کی ادائیگی سمیت مختلف ایڈوانس تکنیکوں کے بارے میں جانکاری دی۔

جنوبی کشمیر کے ضلع پلوامہ میں پولیس نے ہائر سیکنڈری اسکول کاکاپورہ میں نیشنل سائبر سیکورٹی بیداری کے ساتھ سائبر جاگروتا اور پولیس ایپلی کیشن پر ایک سیمینار منعقد کیا۔

اس موقع پر شرکاء نے سائبر کرائم سے متعلق مختلف مسائل کے بارے میں جانکاریاں حاصل کیں۔

افسران نے انہیں ضروری احتیاطی تدابیر/اقدامات تجویز کیے اور ان کی رہنمائی کی کہ وہ سائبر خطرات سے کس طرح اپنا دفاع کرسکتے ہیں۔

سیمینار میں پولیس افسران کے علاوہ اساتذہ، بینک ملازمین، سول انتظامیہ اور طلباء نے بھی شرکت کی۔ شرکاء نے ایسے پروگراموں کے انعقاد پر پولیس کے کردار کو سراہا اور مستقبل میں بھی ایسے پروگرام جاری رکھنے کا مطالبہ کیا۔

اس موقع پر سائبر سیل سے جڑے سعید مدثر نے بات کرتے ہوئے کہا کہ مسلسل سائبر کرائم کے واقعات میں اضافہ ہو رہا ہے جس کے لیے لوگوں کو بیداری کرنا ضروری ہے۔

انہوں نے کہا کہ اس پروگرام کا مقصد ہے کہ سائبر کرائم سے کس طرح ہم خود کو محفوظ رکھ سکتے ہیں۔

انہوں نے کہا کہ ہمارے نوجوان سائبر کرائم کا زیادہ شکار ہو رہے ہیں لہذا ان میں بیداری لانا وقت کی اہم ضرورت ہیں۔