معلوم ہوا ہے کہ شیخ فردوس نامی یہ پولیس اہلکار انسداد رشوت ستانی بیورو یا اے سی بی کے ساتھ منسلک تھا۔ Firing at Anti-Corruption Bureau Police Inspector غیر مصدقہ اطلاعات کے مطابق پولیس افسر مسجد سے نماز پڑھ کر باہر آرہا تھا کہ اسی دوران گھات لگاکر بیٹھے ہوئے اسلحہ برداروں نے ان پر گولی چلائی۔
زخمی اہلکار کو فوری طور سرینگر کے صدر اسپتال منتقل کیا گیا۔ معلوم ہوا ہے کہ انکی گردن میں گولی لگی ہے ۔ ڈاکٹروں نے ان کی حالت خطرے سے باہر بتائی۔ سرینگر کے سینئر سپرنٹنڈنٹ آف پولیس راکیش بلاول نے ای ٹی وی بھارت کو بتایا کہ نامعلوم عسکریت پسندو نے انٹی کرپشن بیورو کے انسپکٹر شیخ فردوس پر تب گولیاں چلائی جب وہ مسجد سے واپس آرہے تھے۔ حملے میں اُن کی گردن پر گولی لگی۔
انہوں نے مزید کہا کہ 'زخمی پولیس افسر کو ہسپتال منتقل کیا گیا ہے جہاں اُن کی حالات خطرے سے باہر ہے۔وہیں پولیس نے علاقے میں حملہ آوروں کو پکڑنے کے لیے تلاشی مہم شروع کر دی ہے۔ کسی بھی عسکری تنظیم نے ابھی تک اس حملے کی ذمہ داری قبول نہیں کی ہے