Evacuated 50 Tourists Stranded in Sonmarg: برف باری میں پھنسے سیاحوں کو پولیس نے محفوظ مقامات پر منتقل کیا

سیاحتی مقام سونمرگ میں بھاری برف باری کی وجہ سے پھنسے 50 سیاحوں کو پولیس نے نکال کر محفوظ مقامات پر منتقل کیا۔ گاندربل پولیس نے موسم کی خرابی اور مسلسل برف باری کے پیش نظر اونچی جگہوں پر لوگوں کو نکلنے منع کیا ہے Ganderbal Police Rescued 50 Tourists from the Sonmarg۔

جموں و کشمیر کے ضلع گاندربل میں نامساعد موسمی حالات اور شدید برف باری کے درمیان ایس ایس پی گاندربل شری نکھل بورکر کی ہدایت پر، پولیس اسٹیشن سونمرگ اور پولیس اسٹیشن گنڈ کی پولیس پارٹی نے آج ایس ڈی پی او کنگن یاسر قادری کی نگرانی میں بڑے پیمانے پر سونمرگ میں سیاحوں کو بچانے کے لیے بچاؤ آپریشن کیا۔

ریسکیو آپریشن کے دوران سونمرگ میں شدید برف باری کے بعد پھنسے ہوئے سیاحوں کو پولیس نے نکال کر محفوظ مقامات پر منتقل کیا Ganderbal Police Evacuated 50 Tourists Stranded in Sonmarg۔

سونمرگ میں 50 سے زیادہ سیاحوں کو ان کی موجودگی کی اطلاع ملنے کے بعد گاندربل پولیس نے وہاں سے نکالا۔

قابل ذکر بات یہ ہے کہ گاندربل پولیس نے گگنگیر سے سونمرگ تک متعدد گاڑیوں کا انتظام کیا اور تمام سیاحوں کو گاندربل واپس لایا جہاں سے وہ زیر تعمیر زیڈ موڈ ٹنل کے ذریعے سرینگر کے لیے روانہ ہوئے کیونکہ برفانی تودہ گرنے کی وجہ سے سونمرگ سڑک بند ہوگئی تھی اور سیاح پھنس گئے تھے۔

سیاحوں کو برفباری سے نکالتے ہوئے مقامی انتظامیہ ۔۔۔۔

واضح رہے کہ برفباری جاری رہنے کی وجہ سے سونمرگ میں 50 سے زیادہ سیاح پھنس گئے تھے۔ جسے پولیس پارٹی نے فوری کارروائی کرتے ہوئے ان سب کو محفوظ پناہ گاہ فراہم کر کے انہیں بچانے میں کامیاب ہو گئے۔

سونمرگ میں بھاری برفباری۔۔۔۔

گنڈ اور سونمرگ تھانوں کے ایس ایچ او بھی اس آپریشن کا حصہ تھے۔

اس دوران گاندربل پولیس نے عام لوگوں سے گزارش کی ہے کہ موسم کی خرابی اور مسلسل شدید برف باری کے پیش نظر اونچی جگہوں پر نہ نکلیں۔