یاسین مَلِک کی سزا کے خلاف احتجاج کے معاملے میں 19 گرفتار

سرینگر میں پولیس کا کریک ڈاؤن جاری ہے۔ یاسین مَلِک کے حق میں نعرے بازی کے الزام میں اب تک 19 افراد کو گرفتار کیا گیا ہے۔ Nineteen Arrested for Holding Demonstrations

سرینگر:ٹیرر فنڈنگ معاملے میں یاسین ملک کو سزا سُنائے جانے سے قبل گذشتہ روز سرینگر کے مائسمہ میں یاسین مَلِک اور کشمیر کی آزادی کے حق میں نعرے لگانے کے الزام میں پولیس نے 19 افراد کو گرفتار کیا ہے۔ جموں و کشمیر پولیس نے ٹویٹ کرتے ہوئے کہا کہ مائسمہ اور اس سے متصل علاقوں میں انہوں نے چھاپے مارے جس دوران مختلف گرفتاریاں عمل میں لائی گئیں۔ اس سے قبل بدھ کو پولیس نے 10 افراد کو پتھراؤ اور نعرے بازی کے الزام میں گرفتار کیا تھا۔ پولیس کا کہنا ہے کہ اس حوالے سے پہلے ہی سے ایف آئی آر نمبر 10/2022 کے تحت قانون کی متعلقہ دفعات کے تحت پولیس تھانہ مائسمہ میں مقدمہ درج کیا گیا ہے اور تحقیقات کا آغاز کر دیا گیا ہے۔ Yasin Malik Convicted in Terror Funding

واضح رہے کہ 25 مئی کو یاسین ملک کو این آئی اے عدالت نے علیحدگی پسند تنظیم جموں و کشمیر لبریشن فرنٹ کے سربراہ یاسین مَلِک کو ٹیرر فنڈنگ کے الزامات میں عمر قید کی سزا سنائی ہے۔ سزا سنانے سے پہلے اور بعد میں مائسمہ میں یاسین ملک کے گھر کے باہر مظاہرے ہوئے تھے اس دوران پولیس نے مظاہرین پر آنسو گیس کے گولے داغے تھے۔ پولیس کا کہنا ہے کہ کم از کم 19 مظاہرین کو حراست میں لیا گیا۔ مقامی ذرائع کے مطابق گزشتہ شام پولیس اور سی آر پی ایف کی بھاری نفری مائسمہ اور ملحقہ علاقوں میں تعینات کی گئی اور متعدد گھروں پر چھاپے مارے کی گئی تھی۔ چھاپوں کو یہ سلسلہ رات بھر جاری رہا تھا۔ پولیس نے مظاہروں کے دوران ڈرون کیمروں کی مدد سے عکس بندی کی تھی اور باور کیا تھا کہ اسی عکس بندی کے نتیجے میں مظاہرین کی شناخت کی گئی ہے۔ پولیس نے اپنے بیان میں والدین سے کہا ہے کہ وہ اپنے بچوں کو مظاہروں اور قوم دشمن سرگرمیوں سے باز رکھیں۔ anti-national sloganeering outside of Yasin Malik House

واضح رہے کہ اس سے قبل پولیس نے پُرانے سرینگر کے جامع مسجد علاقے سے کئی نوجوانوں کو گرفتار کر لیا تھا جنہوں نے نماز جمعہ کے بعد مظاہرہ کرنے کی کوشش کی تھی۔ ان سبھی نوجوانوں کو پبلک سیفٹی ایکٹ (پی ایس اے) کے تحت گرفتار کرکے بیرون جموں و کشمیر کی جیلوں میں بھیج دیا گیا۔ stone-pelting outside home of Yasin Malik۔ ٹیرر فنڈنگ ​​کیس میں قصوروار کشمیر کے علیحدگی پسند لیڈر یاسین ملِک کو این آئی اے کورٹ نے دو مقدمات میں عمر قید اور 10 لاکھ روپے جرمانے کی سزا سنائی ہے۔ یاسین مَلِک کو سخت سکیورٹی کے درمیان نئی دہلی کی پٹیالہ ہاؤس کورٹ میں پیش کیا گیا تھا۔ تاہم مختلف وجوہات بنا پر تاخیر کے بعد انہیں عدالت نے دو عمر قید کی سزا کے علاوہ 10 لاکھ روپے جرمانے کی سزا سنائی ہے۔

جہاں ایک جانب این آئی اے نے یاسین مَلِک کے لیے آئی پی سی کی دفعہ 121 کے تحت پھانسی کی سزا کی درخواست کی تھی وہیں سرینگر میں اُن کے آبائی علاقے مائسمہ میں ان کی رہائی کے لیے احتجاج بھی ہوئے تھے اور اسی دوران ملک دشمن نعرے اور پتھراؤ کے واقعات بھی رونما ہوئے جس میں ابھی تک 10 افراد کو حراست میں لیا جا چکا ہے۔ حالات پر قابو پانے کے لیے پولیس کو آنسو گیس کا استعمال کرنا پڑا تھا۔ فیصلہ آنے کے بعد علاقے میں ابھی بھی سکیورٹی فورسز کی بھاری نفری تعینات ہے اور مائسمہ جانے والی تمام سڑکوں کو خاردار تاروں اور بریکیڈ سے بند کر دیا گیا ہے۔

اس سے قبل یاسین مَلِک نے 10 مئی کو عدالت کو بتایا تھا کہ وہ اپنے خلاف لگائے گئے الزامات کو مسترد نہیں کر رہے ہیں جن میں یو اے پی اے کی دفعہ 16 (عسکریت پسند ایکٹ)، 17 (عسکریت پسندی کے لیے فنڈز اکٹھا کرنا)، 18 (عسکریت پسندانہ کارروائی کی سازش) اور 20 (عسکریت پسند ہونا) شامل ہیں۔ اس کے علاوہ آئی پی سی کی دفعہ 120-B (مجرمانہ سازش) اور 124-A (غداری) بھی ملک پر عائد ہے۔

اس کے علاوہ یاسین مَلِک نے کہا تھا کہ وہ عدالت سے کسی بھی چیز کا مطالبہ نہیں کریں گے۔ انہوں نے فیصلہ عدالت پر چھوڑ دیا ہے۔ عدالتی کارروائی میں شریک وکیل کا کہنا تھا کہ کمرہ عدالت میں یاسین مَلِک نے کہا تھا کہ اگر میں 28 برسوں میں کسی دہشت گردانہ سرگرمی یا تشدد میں ملوث رہا ہوں، اگر بھارتی انٹیلی جنس یہ ثابت کر دیتی ہے تو میں سیاست سے بھی ریٹائر ہو جاؤں گا۔ این آئی اے کی جانب سے علیٰحدگی پسند لیڈر کو سزائے موت دینے کے مطالبے پر انہوں نے کہا کہ 'میں نے عدالت پر فیصلہ چھوڑ دیا ہے اور کسی بھی چیز کا مطالبہ نہیں کروں گا۔

این آئی اے کے ایس پی پی (اسپیشل پبلک پراسیکیوٹر) نے عدالت کو بتایا کہ یاسین ملک کشمیری پنڈتوں کی ہجرت کے لیے کچھ حد تک ذمہ دار ہیں۔ عدالت، جو سزا کا تعین کرنے والی ہے نے کہا کہ 'ان سب میں نہ جائیں، حقائق پر قائم رہیں۔ یہ دہشت گردی کی فنڈنگ ​​کا معاملہ ہے۔ گزشتہ تاریخ کو عدالت نے انہیں اس معاملے میں قصوروار قرار دیا تھا۔ یاسین مَلِک نے حال ہی میں ٹیرر فنڈنگ ​​کیس میں جرم قبول کیا تھا۔ این آئی اے کی نمائندگی کرنے والے وکیل نے یاسین مَلِک کے خلاف زیادہ سے زیادہ سزا کا مطالبہ کیا تھا۔ تاہم ایڈوکیٹ اکھنڈ پرتاپ سنگھ (عدالت کی طرف سے مقرر کردہ معاون) نے کم سے کم سزا (عمر قید) کی درخواست کی تھی۔