اگر معقول سکیورٹی موجود نہیں تو انتخابات کیوں؟: کانگریس

جموں و کشمیر پردیش کانگریس کمیٹی کے سینئر رہنما اور سابق وزیر پیر زادہ محمد سعید نے انتظامیہ اور سکیورٹی کے افسران پر الزام عاید کیا ہے کہ بی جے پی اور اس کی حمایتی جماعت کو چھوڑ کر دیگر سیاسی جماعتوں کے امیدواروں کو ڈی ڈی سی انتخابات کی مہم کے لیے سکیورٹی فراہم نہیں کی جارہی ہے۔

سرینگر میں پردیش کانگریس کمیٹی کے دفتر پر پریس کانفرنس سے خطاب کرتے ہوئے پیر زادہ سعید نے کہا کہ ضلع ترقیاتی کونسل انتخابات کے دوران امیدواروں کی جانب سے شکایتیں موصول ہورہی ہے کہ بی جے پی اور اپنی پارٹی اور انکی حمایت پر آزاد امیدواران کو ہی انتخابی مہم چلانے کے لیے سکیورٹی فراہم کی جارہی ہے۔

انہوں نے کہا کہ اگر انتظامیہ کے پاس امیدواروں کو سکیورٹی کے معقول انتظامات نہیں تھے، انکو ڈی ڈی سی انتخابات منعقد کیوں کرنے تھے۔

پیرا زادہ سعید جموں و کشمیر پردیش کانگریس کمیٹی کے صدر بھی رہ چکے ہیں۔

غور طلب ہے کہ جموں و کشمیر میں آٹھ مراحل میں پہلی مرتبہ ڈی ڈی سی انتخابات منعقد کئے جارہے ہیں اور اب تک تین مرحلوں میں ووٹنگ ہو چکی ہے۔

ان انتخابات میں جموں و کشمیر کی چھ سیاسی جماعتوں نے 'پیلوپلز الاینس فار گپکار ڈیکلیریشن' کے نام پر متحدہ امیدوار میدان میں اتارے ہیں، جن کا مقابلہ اپنی پارٹی اور بی جی پی کے ساتھ ہے۔