ریاست جموں و کشمیر کے ضلع ترقیاتی کمشنر سری نگر نے اسکولی گاڑیوں میں بچوں کی اضافی لوڈنگ کے خلاف ایک مہم چلانے کا بھی فیصلہ کیا ہے۔
یہ فیصلہ اس وقت لیا گیا جب گزشتہ دنوں سوشل میڈیا پر ایک تصویر وائرل ہوئی تھی جس میں بچوں کی جانوں کو جو کھم میں ڈالتے ہوئے ایک مقامی اسکول کی وین بچوں سے اور لوڈیڈ دیکھی گئی ۔
جس کے بعد اس وین کی رجسٹریشن کو رد کرتے ہوئے وین کو بھی ضبط کرنے کا حکم دیا گیا۔
تاہم والدین اور مقامی لوگوں کا ماننا ہے اس طرح کے احکامات کو زمینی سطح پر لانے کی ضرورت ہے۔
اس سلسلے میں جب ای ٹی وی بھارت نے ایس ایس پی ٹریفک سرینگر سے سے بات کی ہے تو انہوں نے کہا کہ اسکول انتظامیہ کو واضع ہدایت دی گئی ہے کہ وہ اپنی ٹرانسپورٹ سہولیات بچوں کے لیے دستیاب رکھیں، وہیں انہوں نے والدین پر بھی زور دیا کہ وہ اپنے بچوں کی حفاظت کو یقینی بنانے کے لیے محکمہ سے تعاون حاصل کریں۔
