Private Schools on Government Land in Jk: سرکاری زمین پر چلنے والے نجی اسکولز بند کرنے کا حکم

جموں وکشمیر انتظامیہ کی جانب سے اسکول ایجوکیشن کے افسران کو ان تمام نجی اسکولوں کو بند کرنے کی ہدایات جاری کر دی گئی ہے جو کہ سرکاری زمین پر چل رہے ہیں۔ Private Schools on Government Land in Jammu and kashmir

کشمیر صوبے کے متعلقہ چیف ایجوکیشن افسران کو ضلعے کے تمام نجی اسکولوں کی فہرست موصول ہوئی ہے جو کہ سرکاری زمین یا کچرائی زمین پر تعمیر کئے گئے ہیں اور اپنی تدریسی سرگرمیاں انجام دے رہے ہیں۔ Private Schools on Government Land in Jammu and kashmir

ادھر بڈگام کے سی ای او کو ضلع کے 50 نجی اسکولوں کی فہرست سونپ دی گئی یے جوکہ سرکاری یا کچرائی زمین پر اپنا کام کاج چلا رہے ہیں ۔ایسے میں حکام کی ہدایت کے پس منظر میں سی ای او بڈگام کی جانب سے جاری کردہ نوٹس میں ضلع کے نجی اسکولوں کے سربراہان سے کہا گیا ہے کہ وہ اپنے اسکول بند کریں جوکہ سرکاری زمین پر چل رہے ہیں۔ ساتھ ہی ان سے یہ بھی کہا گیا ہے کہ وہ متعلقہ اسکولوں میں زیر تعلیم بچوں کو اسکول لیونگ سرٹفیکٹ بھی اجرا کریں تاکہ والدین کی رضا مندی سے مذکورہ بچوں کو دیگر اسکولوں میں داخل کرایا جائے ۔

وادی کے دیگر ضلع کے سی ای اوز کو بھی محکمہ ریونیو کی طرف سے اسی طرح کے ہدایت نامے موصول ہوئے ہیں جس میں انہیں ضلعے میں سرکاری اور کچرائی زمین پر تعمیر شدہ نجی اسکولوں کو بند کروانے کو کہا گیا ہے۔