Naher Premier league: ترال کی ٹیم نے جیتا نہر پریمیئر لیگ کا فائنل

جنوبی کشمیر کے سب ضلع ترال میں نہر پریمیئر لیگ کے فائنل مقابلے میں کیگام ٹیم کو ترال واریرس نے شکست دیکر ٹرافی اپنے نام کی ہے۔ اس دوران بہترین کھیل کا مظاہرہ کرنے والے کھلاڑیوں میں انعامات بھی تقسیم کیے گئے۔Naher Premier League

ترال:نہر ترال میں ٹی-10 کرکٹ ٹورنامنٹ تقریباً دو ماہ کے بعد اختتام پذیر ہوا۔ فائنل میچ میں ترال کی ٹیم نے کیگام ٹیم کو ہرا کر ٹورنامنٹ اپنے نام کرلیا ہے۔

اس موقع پر شائقین کھیل کی ایک اچھی تعداد نے شرکت کی اور دن بھر اپنی پسندیدہ ٹیموں کے کھلاڑیوں کا حوصلہ بڑھایا۔ٹورنامنٹ میں بہترین کھیل کا مظاہرہ کرنے والے کھلاڑیوں میں انعامات تقسیم کیے گئے۔

اس موقع پر ٹورنامنٹ کے آرگنائزر کے ساتھ ساتھ معزز شھری بھی موجود رہے۔

میڈیا سے بات کرتے ہوئے ایک کھلاڑی نے کہا کہ ایسے ٹورنامنٹ منعقد کرنا وقت کی اہم ضرورت ہے، جبکہ کھیل کود سے نوجوان منشیات سے دور بھی رہتے ہیں۔

انہوں نے کہا کہ اس قسم کے ٹورنامنٹ وقت کی ضرورت ہے اور نوجوانوں کو ان ٹورنامنٹ میں بڑھ چڑھ کر حصہ لینا چاہیے۔