چیئرمین میونسپل کونسل گاندربل ہلال احمد تانترے Hilal Ahmad Tantray نے آج ضلع ہسپتال کا اچانک دورہ کرکے وہاں پر مختلف وارڈوں میں خاص کر آپریٹو وارڈ میں صفائی کا جائزہ لیا۔
ہلال احمد کے مطابق اس ہسپتال کی تعمیر اگرچہ چند ہی سال قبل کی گئی ہے اور ہسپتال کی عمارت خوبصورت بھی ہے تاہم ہسپتال میں گندگی کے ڈھیر موجود ہے۔
چیئرمین میونسپل کونسل گاندربل نے ضلع ہسپتال کا اچانک دورہ کیا
ان کا کہنا ہے کہ کورونا کے اس دور میں صفائی کا خیال رکھنے کی اشد ضرورت ہے جو کہ اس ہسپتال میں نظر نہیں آرہی ہے۔
اس سلسلے میں انچارج سینٹیٹیشن آفیسر ضلع ہسپتال گاندربل In charge Sanitation Ganderbal Hospital نے کہا کہ انہیں پورے ہسپتال کی صفائی کرنے کی زمہ داری نہیں ہے۔ان کے مطابق اس ہسپتال کے بغیر انہیں اور جگہوں کی صفائی کرنی ہوتی ہےجس کی وجہ سے ہسپتال میں کہیں گندگی موجود ہوگی۔