ممبئی کے اعلیٰ سطحی وفد نے پلوامہ میں باغبانی شعبہ کا جائزہ لیا

ممبئی کے ایک اعلیٰ سطحی وفد نے پلوامہ کا دورہ کرکے باغبانی شعبہ سے متعلق امور کا جائزہ لیا۔ اس موقع پر ڈائرکٹر جنرل ہارٹی کلچر اعجاز احمد بھٹ نے کہا کہ حکومت باغبانی شعبہ کو فروغ دینے کےلیے کوشاں ہے۔

ممبئی سے آئے اعلی سطحی وفد نے جموں و کشمیر کے ضلع پلوامہ میں باغبانی کے بنیادی ڈھانچے کا جائزہ لیا۔ ڈائرکٹر جنرل ہارٹی کلچر اعجاز احمد بھٹ نے وفد کو بتایا کہ باغبانی شعبہ میں نوجوانوں کو روزگار فراہم کرنے کی خاطر انتظامیہ کی جانب سے متعدد اقدامات کئے گئے ہیں۔ وفد نے پلوامہ میں سیب کے باغات، کولڈ سٹوریج کے علاوہ دیگر پراجکٹس کا جائزۃ لیا۔

ایگزیکٹیو ڈائرکٹر وکرم شنکر نے پالیسی ریسرچ سینٹر ممبئی کے وفد کی سربراہی کی اور ڈائرکٹر جنرل ہارٹی کلچر کے ہمراہ ضلع پلوامہ کا دورہ کرتے ہوئے شعبہ ہارٹی کلچر کے بنیادی ڈھانچے کا جائزہ لیا۔ وفد نے کسانوں اور باغ مالکان کو میسر سہولیات کا بھی جائزہ لیا۔

وفد نے باغبانی شعبے کی ترقی کےلیے اقدامات کرنے کا تیقن دیا تاکہ کولڈ چین سہولیات کے قیام، پھلوں کی مارکیٹنگ و دیگر امور میں مدد حاصل ہوسکے۔ ڈائریکٹر جنرل نے وفد کا شکریہ ادا کیا اور امید ظاہر کی کہ مستقبل میں ہارٹی کلچر سیکٹر میں زیادہ سے زیادہ نجی سرمایہ کاری کی جائے گی۔

واضح رہے کہ جموں و کشمیر انتظامیہ نے پالیسی ریسرچ سینٹر ممبئی کے ساتھ ایک معاہدہ کیا ہے جس کے تحت اْنہیں وادی کشمیر میں ہارٹی کلچر شعبہ میں سرمایہ کاری کرنے کی اجازت دی گئی۔