سرینگر کے گمشدہ نوجوان کے اہل خانہ کی دردمندانہ اپیل

مقامی پولیس کا کہنا ہے کہ اس معاملے میں انہوں نے کیس درج کرکے تلاشی کاروائی شروع کی ہے اور گمشدہ شخص کے دوستوں سے بھی پوچھ تاچھ جاری ہے-

سرینگر کا ایک 27 سالہ نوجوان اتوار کو گاندربل ضلع کے گنگبل علاقے میں ٹریکنگ کے دوران مبینہ طور پر گمشدہ ہوگیا اور اس کے رشتہ داروں نے انتظامیہ سے گزارش کی ہے کہ اس کی تلاش میں سرعت لائی جائے۔
بمنہ علاقے سے تعلق رکھنے والے 27 برس کے ہلال احمد، جو کشمیر یونیورسٹی میں پی ایچ ڈی کے اسکالر ہے، اپنے دوستوں کے ہمراہ گنگبل اور ناراناگ اتوار کو ٹریکنگ کے لیے گیا تھا، تاہم ان کے رشتہ داروں کا کہنا ہے کہ چار روز سے اسکا کوئی اتہ پتہ نہیں ہے۔

ہلال کی ایک خاتون رشتہ دار نے ای ٹی وی بھارت کو بتایا کہ وہ ان کے دوستوں کے مطابق وہ ٹریکنگ کے دوران گم ہوگیا تھا جبکہ اس کے سبھی دوست بصحت و سلامت واپس لوٹے ہے۔مقامی پولیس نے کا کہنا ہے کہ اس معاملے میں انہوں نے کیس درج کر کے تلاشی کاروائی شروع کی ہے اور گمشدہ شخص کے دوستوں سے بھی پوچھ تاچھ جاری ہے-انکا کہنا ہے کہ انہوں نے گاندربل کے کنگن پولیس تھانے میں ہلال کی گمشدگی کے متعلق رپورٹ درج کی ہے، تاہم انکا کہنا ہے کہ پولیس لعت و لعل سے کاروائی کر رہی ہے-رشتہ داروں نے انتظامیہ کے اعلیٰ عہدیداروں سے اپیل کی ہے کہ وہ تلاشی کاروائی میں سرعت لائے۔