کٹھوعہ: مہاجر مزدور چھتیس گڑھ کے لیے پیدل روانہ

کٹھوعہ ضلع انتظامیہ کی جانب سے سہولیات نہ ملنے کے سبب مزدور چھتیس گڑھ کے لیے پیدل ہی روانہ ہوگئے۔

مہاجر مزدور ہیرا نگر سے 50 کلو میٹر کا سفر طے کرتے ہوئے کٹھوعہ پہنچے۔ مزدور کٹھوعہ لیبر آفس پہنچے تاکہ انتظامیہ کی جانب سے انہیں کسی طرح کی مدد مل سکے۔

مزدوروں کا الزام ہے کہ گزشتہ دو مہینے سے کام بند ہونے کے سبب انہیں کئی طرح کی مشکلات کا سامنا کرنا پڑ رہا ہے۔

انتظامیہ کی جانب سے صرف ایک وقت کا کھانا انہیں دیا جارہا ہے۔انہوں نے کئی مرتبہ انتظامیہ سے مطالبہ کیا کہ ان کے گھر جانے کے لیے انتظام کیا جائے ، لیکن ان کی بات نہیں سنی گئی۔جس کی وجہ سے وہ پیدل ہی گھر کے لیے نکل پڑے۔