محبوبہ مفتی کی والدہ گلشن نذیرکو تیسری بار ای ڈی نے طلب کیا

جموں و کشمیر کی سابق وزیر اعلیٰ محبوبہ مفتی کی والدہ گلشن نذیر کو مبینہ منی لانڈرنگ معاملے میں انفورسمنٹ ڈائریکٹوریٹ نے تیسری بار طلب کیا ہے۔

اطلاع کے مطابق انفورسمنٹ ڈائریکٹوریٹ کے اسٹنٹ ڈائریکٹر سنیل کمار مینہ نے انہیں 18 اگست کو سرینگر کے راج باغ میں طلب کیا ہے۔ ای ڈی کی جانب سے کہا گیا ہے کہ 'منی لانڈرنگ ایکٹ 2002 کے تحت گلشن نذیر کو طلب کیا جارہا ہے'۔

محبوبہ مفتی کی والدہ گلشن نذیرکو تیسری بار ای ڈی نے طلب کیا

اس سے قبل بھی اپریل اور جولائی میں ای ڈی نے محبوبہ مفتی کی والدہ کو طلب کیا تھا لیکن وہ پوچھ گچھ کے لئے ای ڈی کے دفتر نہیں گئ تھیں۔ اپریل میں کورونا وائرس کا حوالہ دیا گیا تھا جبکہ جولائی میں پی ڈی پی نے کہا تھا کہ 'ای ڈی گلشن نذیر کو طلب کرنے کے وجوہات یا الزامات واضح کریں'۔

گزشتہ دو سمن پر محبوبہ مفتی اور پیپلز الائنس فار گپکار ڈکلریشن کے رہنماؤں نے اس کی پرزور مذمت بھی کی تھی۔ اس تعلق سے محبوبہ مفتی کا کہنا تھا کہ 'حکومت اپنے سیاسی مخالفین کو ڈرانے کے لیے ایجنسیوں کا غلط استعمال کر رہی ہے۔ میری والدہ کو سمن اسی لیے بھیجا گیا کیونکہ ہماری پارٹی نے حد بندی کمیشن سے ملنے سے انکار کر دیا ہے'۔