میڈیکل ایمپلائیز فیڈریشن نے کنٹریکٹ ملازمین کو مستقل کرنے کا مطالبہ کیا

6 نومبرمرکزی زیر انتظام علاقہ جموں و کشمیر کی گرمائی راجدھانی سرینگر میں میڈیکل ایمپلائیز فیڈریشن کی جانب سے پریس کانفرنس کا انعقاد کیا گیا جس میں فیڈریشن کے صدر شبیر احمد لنگو نے مخاطب کرتے ہوئے مختلف امور پر روشنی ڈالی۔

انہوں نے کہا کہ گزشتہ 12 برس سے میڈیکل ڈیپارٹمنٹ کے متعدد شعبوں میں کئی ملازمین بطور کنٹریکٹ ورکرز کام کررہے ہیں جنہیں اب نکالا جارہا ہے، جو سراسر ناانصافی کے مترادف ہے۔

اس موقع پر ملازمین یونین کے صدر نے گورنر انتظامیہ سے ملازمین کے ساتھ انصاف کرنے کا مطالبہ کیا۔ انہوں نے کنٹریکٹ ورکرز کو مستقل کرنے کا بھی مطالبہ کیا۔