پلوامہ:جنوبی کشمیر کے ضلع پلوامہ میں آج محمکہ بلدیات کی جانب سے محمکہ کے سبھی ملازمین اور صفائی کرنے والوں کے لئے طبی جانچ Medical Camp For Cleaning Staff کا اہتمام کیا گیا، ساتھ ہی ان لوگوں میں وردی تقسیم کی گئی۔ اس موقع پر ضلع ترقیاتی کمشنر پلوامہ اور میونسپل چیئرمین شبنم نظیر بطورِ خصوصی مہمان موجود تھے۔
پلوامہ: صفائی عملے کیلئے طبی جانچ کا اہتمام
اس پروگرام کا مقصد بلدیاتی محمکہ میں کام کرنے والے صفائی عملے کی صحت کی دیکھ بھال کرنے کے ساتھ ساتھ انہیں کام کرنے کے لئے وردی فراہم کرنا تھا۔
بصیرالحق چودھری نے کہا کہ قصبہ پلوامہ کو صاف رکھنے کے لئے محمکہ کے سبھی صفائی کرنے والے صبح پانچ بجے سے کام کرنا شروع کرتے ہیں، ان کی صحت کا خیال رکھتے ہوئے اس طرح کے اقدامات کیے جارہے ہیں۔
انہوں نے کہا کہ کلین انڈیا مشن کے تحت لوگوں کو قصبوں کے ساتھ دیہاتوں میں بھی صفائی کے حوالے سے باخبر کیا جارہا ہے۔
انہوں نے عوام سے اپیل کی کہ وہ بھی قصبوں کے ساتھ ساتھ گاؤں کی صفائی کے حوالے سے آگے آئیں۔