منطقی الیون نے بٹہ گنڈ پریمیئر لیگ اپنے نام کی

مہمان خصوصی مشہور یوٹیوبر وارث راج نے بتایا کہ ترال میں نوجوانوں کے اندر صلاحیتوں کی کمی نہیں ہے بلکہ کھیل کود کے بنیادی ڈھانچے کی کمی سے یہاں کھلاڑیوں کو زبردست دقتوں کا سامنا کرنا پڑ رہا ہے۔

بٹہ گنڈ ترال کے شہجار گراؤنڈ میں آج بٹہ گنڈ پریمیئر لیگ سیزن دو کا فائنل منطقی الیون اونتی پورہ اور این سی سی دیور ترال کے مابین کھیلا گیا۔ اونتی پورہ کی ٹیم نے مقررہ بیس اورز میں 140 رنز بنائے۔ ہدف کا تعاقب کرنے اتری این سی سی دیور کی کارکردگی ٹیم اطمینان بخش نہیں رہی اور پوری ٹیم 80 رنز بنا کر پویلین لوٹ چکی۔

اس طرح منطقی الیون اونتی پورہ نے بی پی ایل سیزن دوئم کا فائنل اپنے نام کرنے میں کامیابی حاصل کی۔ اس موقع پر ہزاروں شائقین کرکٹ بھی موجود تھے، جنہوں نے تالیاں بجا کر پورے فائنل کے دوران کھلاڑیوں کا حوصلہ بڑھایا۔ اونتی پورہ ٹیم کے کپتان عادل نے میڈیا کو بتایا کہ یہاں کے تماشائیوں نے ان کو پورے ٹورنامنٹ کے دوران سپورٹ کیا۔

مہمان خصوصی مشہور یوٹیوبر وارث راج نے بتایا کہ ترال میں نوجوانوں کے اندر صلاحیتوں کی کمی نہیں ہے لیکن کھیل کود کے بنیادی ڈھانچے کی کمی سے یہاں کھلاڑیوں کو زبردست دقتوں کا سامنا کرنا پڑ رہا ہے۔ انہوں نے نوجوانوں سے اپیل کی کہ وہ کھیل کود میں شمولیت کریں اور منشیات سے دور رہیں۔