ایل جی منوج سنہا کی نوجوان کھلاڑی عبدالصمد کو مبارکباد

جموں و کشمیر کے لیفٹیننٹ گورنر منوج سنہا نے منگل کے روز عبدالصمد کو انڈین پریمیئر لیگ میں سن رائزرس حیدرآباد کی طرف سے میچ کھیلنے پر مبارکباد پیش کی۔

لیفٹیننٹ گورنر منوج سنہا نے جموں و کشمیر کے نوجوان کھلاڑی عبدالصمد کو مبارکباد پیش کی جنہوں نے سن رائزرس حیدرآباد کی طرف سے آج اپنا پہلا میچ کھیلا۔

جموں و کشمیر کے ڈپارٹمنٹ آف انفارمیشن اینڈ پبلک ریلیشنز نے ٹویٹ کیا کہ 'لیفٹینٹ گورنر نے نوجوان کھلاڑی کو آئی پی ایل اور ان کے کیریئر میں شاندار کامیابی ملنے کے لیے نیک خواہشات پیش کی۔'

سن رائزرس حیدرآباد نے ابو ظہبی کے شیخ زید اسٹیڈیم میں دہلی کیپیٹلس کے خلاف میچ کھیلا جس میں عبدالصمد، سات گیندوں پر 12 رنز بنا کر ناٹ آؤٹ رہے۔

سن رائزرس حیدرآباد نے دہلی کیپیٹلس کو اس مقابلے میں شکست دیتے ہوئے اپنی پہلی جیت درج کی۔