مینڈھر ٹاؤن سمیت تین پنچایت ریڈ زون میں

کورونا وائرس متاثرین کی تعداد میں مسلسل اضافہ ہورہا ہے اسی درمیان جموں و کشمیر کے ضلع پونچھ کے مینڈھر سب ڈویژن میں ایک پولیس اہلکار اور ڈرائیور کی کورونا رپورٹ مثبت آئی ہے۔

ضلع مجسٹریٹ پونچھ نے مینڈھر سمیت تین پنچایتوں کو ریڈ زون میں تبدیل کردیا ہے جس میں مینڈھر ٹاؤن لوہر گولڈ، اڑی قصاب اور بہرا شامل ہیں۔

اطلاعات کے مطابق جو کورونا مثبت پائے گئے ہیں۔ وہ ان علاقوں سے تعلق رکھتے تھے، جسے دیکھتے ہوئے یہ فیصلہ لیا گیا ہے۔

اس دوران آج پولیس نے مینڈھر ٹاؤن کو چاروں جانب سے سیل کردیا گیا ہے۔

مینڈھر کے ایس ڈی پی او نیرج پڑیار نے صحافیوں سے بات کرتے ہوئے بتایا کہ ضلع مجسٹریٹ کے حکم پر پورے علاقوں کو سیل کردیا ہے۔اور جس طرح سے ایس او پی کی گائیڈ لائن ہے اس کے مطابق پولیس مکمل طور سے عمل پیرا ہے۔