دہلی سکھ گردوارہ مینجمنٹ کمیٹی کے صدر منجندر سنگھ سرسا اور آل انڈیا اینٹی ٹیررسٹ فرنٹ کے چیئرمین منندرجیت سنگھ بٹا عسکری حملے میں ہلاک ہونے والی سوپندر کور کے اہل خانہ سے ملنے سرینگر پہنچ کر ان کے اہل خانہ کے ساتھ اظہار تعزیت پیش کی۔ اس دوران منجندر سنگھ سرسا نے کہا کہ 'دہلی گردوارہ سوپندر کور کے نام پر ایک ٹرسٹ کھولے گا، جس سے یتیم بچوں کی کفالت کی جائے گی۔
دہلی گردوارہ سوپندر کور کے نام پر ایک ٹرسٹ کھولے گا
اس دوران انہوں نے کہا کہ یہاں کی آپسی بھائی چارگی کو برقرار رکھنے کے لئے اکثریتی طبقے کو سامنے آکر اقلیتوں کی سلامتی کے لئے اقدامات کرنے کی ضرورت ہے۔
انہوں نے حکومت سے مطالبہ کیا کہ 'حکومت کو چاہئے کہ وہ اقلیتوں کو فائدہ پہنچائے اور کوئی فرق نہ کرے۔ وہیں منندرجیت سنگھ بٹا نے کہا کہ 'کشمیر میں ترقی دیکھ کر پاکستان بھوکھلاہٹ کا شکار ہے۔