Raju Srivastava Death کامیڈین راجو سریواستو کے انتقال پر گہرا صدمہ ہوا

جموں وکشمیر کے لیفٹیننٹ گورنر منوج سنہا نے کامیڈین راجو سریواستو کے انتقال پر صدمے کا اظہا کرتے ہوئے اپنے ایک ٹویٹ میں کہا 'راجو سریواستو کے موت پر گہرا صدمہ ہوا۔' Manoj Sinha condoles Raju Srivastava demise

سری نگر: جموں وکشمیر کے لیفٹیننٹ گورنر منوج سنہا نے معروف کامیڈین راجو سریواستو کے انتقال پر گہرے صدمے کا اظہار کیا ہے۔ بتادیں کہ خاندانی ذرائع کے مطابق معروف کامیڈین راجو سریواستو زندگی کی 58 بہاریں دیکھنے کے بعد بدھ کے روز دہلی میں انتقال کر گئے۔ راجو سریواستو کو جم میں دوران سینے میں درد کی شکایت کے بعد 10 اگست کو ایمس دہلی میں داخل کیا گیا تھا جہاں وہ مسلسل کومہ میں تھے۔ Manoj Sinha Mourns Death of Raju Srivastava

منوج سنہا نے کامیڈین کے انتقال پر صدمے کا اظہا کرتے ہوئے اپنے ایک ٹویٹ میں کہا: ’شری راجو سریواستو کے موت پر گہرا صدمہ ہوا‘۔ انہوں نے کہا: ’وہ ایک ایسے آئیکن تھے جنہوں نے اپنے بے عیب انداز اور ٹائمنگ سے کامیڈی کے میدان کو ایک نیا معنی بخش دیا‘۔

ان کا ٹویٹ میں مزید کہنا تھا: ’ان کی موت سے جو خلا پیدا ہوا ہے اس کا پُر ہونا مشکل ہے میں مصیبت کی اس گھڑی میں ان کے اہلخانہ اور مداحوں کی خدمت میں تعزیت پیش کرتا ہوں‘۔

کامیڈین کے کیریئر پر نظر ڈالیں تو انہیں کئی فلموں میں بھی دیکھا گیا، جن میں 'میں نے پیار کیا، بازی گر، بمبئی سے گوا اور آمدنی اٹھنی خرچہ روپیہ' شامل ہے۔ فلموں اور کامیڈی شوز کے علاوہ وہ ریئلٹی شو بگ باس کے تیسرے سیزن میں بھی نظر آئے۔ دی گریٹ انڈین لافٹر چیلنج کے علاوہ، وہ 'کامیڈی سرکس'، 'دی کپل شرما شو'، 'شکتیمان' اور دیگر سمیت کئی دیگر کامیڈی شوز کا حصہ رہے ہیں۔

یو این آئی