جموں و کشمیر کے سرحدی ضلع کشتواڑ میں محکمہ اطلاعات و نشریات کے ملازمین کو گزشتہ چار ماہ سے تنخواہ نہیں ملی ہے۔ملازمین کا کہنا ہے کہ کشتواڑ میں ڈسٹرکٹ انفارمیشن آفیسر چار ماہ سے نہیں ہے اور نہ ہی کسی دوسرے آفیسر کو ڈی ڈی او کا چارج دیا گیا ہے جس کی وجہ سے انہیں تنخواہ نہیں ملی پا رہی ہے۔
مذکورہ ملازمین شب و روز اپنی خدمات انجام دے رہے ہیں تاہم تنخواہ نہ ملنے کے سبب انہیں مالی مشکلات کا سامنا کرنا پڑ رہا ہے۔انہوں نے محکمہ کے افسران سے اپیل کی ہے کہ جلد از جلد ان کی تنخواہیں بحال کی جائیں۔