سنہ 1865میں ہلاک کشمیری دستکاروں کی یاد میں سمینار

کشمیر چیمبر آف کامرس کی جانب سے سرینگر میں آج ایک سمینار کا انعقاد کیا گیا جس میں ان دستکاروں کو یاد کیا گیا جنہوں نے 29اپریل 1865 میں دستکاری اشیاء پر عائد بھاری ٹیکس کے خلاف صدائے احتجاج بلند کی تھی۔

ان دستکاروں نے دستکاری اشیاء پر ٹیکس عائد کیے جانے کے خلاف اُس وقت کی ڈوگرہ حکومت کے خلاف اپنی آواز بلند کی تھی اور احتجاج کے دوران ان پر حکومت وقت نے زور آزمائی کی جس کے نتیجے میں وادی کشمیر کے کئی دستکاروں کو اپنی جانیں گنوانی پڑی تھی۔

اسی تناظر میں آج ان دستکاروں کی قربانیوں کو چیمبر آف کامرس کی جانب سے منعقدہ سمینار میں یاد کیا گیا۔

اس سمینار میں دستکاروں اور چیمبر آف کامرس کے موجودہ صدر کے علاوہ سابق صدور نے بھی شرکت کی۔

مقررین نے اس حوالے سے اپنے اپنے خطابات میں ان جانثار دستکاروں کو بہترین انداز میں یاد کرتے ہوئےکشمیری دستکاری صنعت کے تئیں ان کی بے لوث خدمات کی سراہنا کی۔