سرینگر:ڈل جھیل میں واقع کاچری محلہ کو ایک ماڈل گاؤں کے طور ابھارا جارہا ہے، تاکہ یہ بھی سیاحتی اعتبار سے دلکش اور پر کشش بن سکے اور شہر آفاق جھیل ڈل کے ساتھ ساتھ سیاح اس کاچری محلہ کا بھی نظارہ کرسکے۔Kachri Mohalla in Dal lake
فوج اور سول انتظامیہ کے آپسی اشتراک سے کاچری محلہ کو سیاحوں کی دلچسپی کا مرکز بنانے کے لئے اس وقت کئی ترقیاتی کام ہاتھ میں لیے گئے ہیں۔ جہاں اس محلہ کے گردو نواح میں صفائی ستھرائی عمل میں لائی جارہی ہے، وہیں 24 گھنٹے پانی اور بجلی کی دستیابی کو بھی یقینی بنایا جارہا ہے۔ محلہ میں چھوٹے چھوٹے فٹ برجز اور پاتھس کے علاو ہوٹل اور ریستوران بھی تعمیر کیے جارہے ہیں۔Development of Kachri Mohalla in Dal lake
جھیل ڈل کے کاچری محلہ کو سیاحتی ولیج کے طور ابھارا جارہا ہے کاچری محلہ کو سیاحتی مقام کے طور ترقی دینے کے لیے تین ماہ کا ہدف مقرر کیا گیا، جس کے لیے 15 مختلف سرکاری محکمے مل کر کام کررہے ہیں۔ سرکار کی جانب سے اٹھائے گئے اس مثبت اقدام سے ڈل کے اندر یہ محلہ نہ صرف سیاحت زاوے سے ایک الگ پہچان بنایا گا۔ بلکہ اس پہل سے یہاں کے مقامی لوگوں کے معیاری زندگی میں بہتری آئی گی۔ کاچری محلہ کی طرز پر ڈل کے اندر مزید محلوں کو ترقی دی جارہی ہیں تاکہ سیاح ان جگہوں کی طرف بھی میں مائل ہوپائے اور یہاں کے مقامی نوجوانوں کو روزگار کمانے کے مواقعے بھی فراہم ہوسکے۔محلہ کو جاذب نظر بنانے کے لیے دیگر کاموں کے ساتھ ساتھ رنگ و روغن اور پینٹگ کا کام بھی شدومد سے جاری یے۔ ایسے میں نہ صرف دیواروں کو میورل آرٹ سے سجایا جارہا ہے وہیں آرٹسٹس اپنی فنی صلاحیتوں کا بھر پور مظاہرہ کر کے کشتیوں پر بھی الگ الگ قسم کی نقش و نگاری کا کام انجام دے رہے ہیں۔ یہ بھی پڑھیں:
حال ہی میں منعقدہ ایک تقریب پر چنار کور کے جی او سی اور صوبائی کمشنر کشمیر پی کے پو لے نے کاچری محلہ کو ٹورسٹ فلوٹنگ ولیج کے بطور وقف کیا ۔ منعقد تقریب پر محکمہ جنگلات، پھول بانی، شہری ترقی، تعمیرات عامہ،محکمہ ہینڈلوم اینڈ کرافٹس اور محکمہ باغبانی کے علاوہ سرینگر میونسپل کارپوریشن کے اعلی افسران بھی موجود تھے۔میونسپل کارپوریشن کے کمشنر اطہر عامر خان کہتے ہیں کہ جھیل ڈل کے اندر ایسے کئی علاقے ہیں کہ جنہیں اسی طرز پر سرکار ترقی دینے کا منصوبہ رکھتی ہے جس کے لیے مختلف محکمے مل کر کام کررہے ہیں۔ واضح رہے کہ کاچری محلہ کی آبادی تقریبا 4 سو ہے۔غریبی کی سطح سے نیچے زندگی گزارنے والی اس آبادی کا ذریعہ معاش کاشتکاری ہے۔
