JK Budget 2022-23: جموں و کشمیر کے لیے 35581 کروڑ روپے مختص

مرکزی وزیر خزانہ نرملا سیتارمن Union Finance Minister Nirmala Sitharaman نے پارلیمنٹ میں آج 2022-23 مالی سال کے لیے عام بجٹ Union Budget 2022-23 پیش کرتے ہوئے جموں و کشمیر یو ٹی کے لیے مالی سال 2022-23 کے لیے 35 ہزار 581 کروڑ روپے مختص کیے JK Budget 2022-23۔

مرکزی وزیر خزانہ نرملا سیتارمن نے پارلیمنٹ میں آج 2022-23 مالی سال کے لیے عام بجٹ پیش کیا۔ مرکزی حکومت نے جموں و کشمیر کے لیے مالی سال 2022-23 کے لیے 35 ہزار 581 کروڑ روپے مختص کیے ہیں۔

وزیر خزانہ نرملہ سیتارمن نے 2021-22 کے لیے جموں و کشمیر کے لیے 34704 کروڑ روپیے مختص کیے تھے، وہیں اس سال 2022-23 کے لیے 35581 کروڑ روپے کی گرانٹ طے کی گئی ہے۔ جموں و کشمیر کے بجٹ میں فنڈز کا بڑا حصہ 33923 کروڑ روپے مرکزی امداد Central Assistance کے تحت ہے۔

سال 2022-23 بجٹ میں ڈل جھل اور نگین جھیل کی بحالی Rehabilitation of Dal & Nageen Lake کے لیے 273 کروڑ مختص کیے ہیں۔ بجٹ میں 279 کروڑ روپے ڈیزاسٹر رسپانس فنڈ Disaster Response Fund JK کے لیے رکھے گئے ہیں۔

مرکزی حکومت نے یوٹی کے لیے 500 کروڑ روپئے سرمائے اخراجات کے لیے مختص کیے ہیں۔

ضلع کشتواڑ کے 800 میگاواٹ ریٹل پن بجلی پروجیکٹ Ratal Hydroproject کی ایکویٹی کے لیے 476 کروڑ روپے گرانٹس کے طور پر دیے گئے ہیں۔ اس کے علاوہ بجٹ میں 625 میگا واٹ کیرو ہائیڈرو پروجیکٹ Kiru Hydro electric project کے لیے130 کروڑ روپے مختص کیے گئے ہیں۔

یو ٹی لداخ UT Ladakh Budget 2022-23 کے لیے 5958 کروڑ روپیے مختص کیے گئے ہیں جو گذشتہ سال مالی بجٹ کے برابر ہے۔

واضح رہے کہ جموں و کشمیر کی خصوصی آئینی حیثیت کے خاتمے کے بعد جموں و کشمیر اور لداخ کے لیے بجٹ پارلیمنٹ میں پیش کیا جاتا ہے۔