Omar Abdullah In Ganderbal:'جموں و کشمیرانتظامیہ لوگوں کو تحفظ فراہم کرنے میں ناکام ثابت ہوئی'

جموں وکشمیر کے سابق وزیر اعلیٰ اور نیشنل کانفرنس کے نائب صدر عمر عبداللہOmar Abdullah In Ganderbal نے منگل کو کہا کہ جموں و کشمیر میں موجودہ انتظامیہ عام لوگوں کو تحفظ کا احساس فراہم کرنے میں بُری طرح ناکام ہوئی ہے۔ انہوں نے کہا کشمیر میں اس وقت خوف و ہراس کا ماحول پیدا ہوا ہے۔

وسطی کشمیر کے ضلع گاندربل میں آج نیشنل کانفرنس نے ایک اہم اجلاس منعقد NC Convention In Ganderbal کیا گیا۔اجلاس میں پارٹی کے سینیئر رہنماؤں نے شرکت کی ہے۔پارٹی کنونشن میں ضلع کے نیشنل کانفرنس کے کارکنوں نے بڑھ چڑھ کر شرکت کی۔

پارٹی اجلاس کا مقصد نیشنل کانفرنس پارٹی کو زمینی سطح پر مضبوط بنانے اور آنے والے الیکشن کے لیے پارٹی کارکنوں کو زمینی سطح پر کام کرنے کے لیے تیار رہنے پر بات کی گئی۔ پارٹی اجلاس میں نیشنل کانفرنس کے نائب صدر عمر عبداللہ Omar Abdullah نیشنل کانفرنس کے جنرل سکریٹری علی محمد ساگر،ناصر اسلم وانی اور سینئر لیڈر میاں الطاف احمد موجود تھے۔

اجلاس سے خطاب کرتے ہوئے نیشنل کانفرنس کے نائب صدر عمر عبداللہ نے کہا کہ جموں و کشمیر میں موجودہ انتظامیہ عام لوگوں کو تحفظ کا احساس فراہم کرنے میں بُری طرح ناکام ہوئی ہے۔

انہوں نے کہا کہ کشمیر میں ہر طرف خوف ہے اور لوگ انکاؤنٹر، حملوں اور ہلاکتوں کی وجہ سے خود کو غیر محفوظ محسوس کر رہے ہیں۔

نیشنل کانفرنس کے نائب صدر NC Vice President نے کہا کہ جن علاقوں میں ان کی قیادت میں حکومت نے عسکریت پسندی کا صفایا کیا،وہاں آج کل حملے ہو رہے ہیں اور جہاں سے بنکر ہٹائے گئے ہیں وہاں نئے بنکر بنائے جا رہے ہیں۔

عمر عبداللہ نے کہا کہ نیشنل کانفرنس نے دار حکومت میں سیکورٹی فورسز کی تعداد کو کم کر Security Forces In Kashmirدیا، لیکن آج مرکزی حکومت اس میں اضافی دستے تعینات کر رہی ہیں۔

انہوں نے کہا کہ اضافی فورسز کو جموں وکشمیر میں تعمیر شدہ شادی ہالز اور کمیونٹی ہالز جیسی جگہوں پر تعینات کیا جا رہا ہے۔

عمر عبداللہ نے کہا کہ این سی کی طرف سے منعقد کی جا رہی سیاسی ریلیوں کو انتخابات سے نہیں جوڑا جانا چاہئے۔ انہوں نے کہا، ہم اپنے کارکنوں سے صرف ان کی بات سننے، ان کی رائے حاصل کرنے اور اپنے ساتھ اشتراک کرنے کے لیے رابطہ قائم کرنا چاہتے ہیں۔


عمر عبداللہ نے کہا کہ' ابھی جموں و کشمیر میں انتخابی بگل نہیں بجا ہے، تو الیکشن لڑنے کی بات کیوں کرتے ہیں۔ میں یہاں کسی کا مینڈیٹ کاٹنے یا کسی کو مینڈیٹ دینے نہیں آیا ہوں۔'