Farm Laws Repealed: زرعی قوانین کو واپس لینے کا فیصلہ پہلے کرتے تو بہتر تھا

کانگریس پارٹی کے سینئر رہنما اور جمو ں و کشمیر کے سابق وزیر اعلی غلام نبی آزاد نے وزیر اعظم نریندر مودی کی جانب سے تینوں زرعی قوایین کو واپس لینے کے اعلان پر رد عمل کا اظہار کرتے ہوئے کہا کہ یہ ایک بہتر قدم ہے۔تاہم یہ فیصلہ پہلے لیاجاتا تو اور اچھا تھا۔

وزیر اعظم نریندرمودی کی جانب سے تینوں زرعی قوانین کی منسوخی کئے جانے کے اعلان کو کانگریس پارٹی کے سینئر رہنما اور جموں و کشمیر کے سابق وزیر اعلی غلام نبی نے ایک اہم فیصلہ قرار دیتے ہوئے کہاکہ اگر پہلے اس طرح کا فیصلہ کیا گیا ہوتا تو بہتر رہتا۔

انہوں نے مرکزی حکومت کی جانب سے زرعی قوانین کی منسوخی کے اعلان کا خیر مقدم کرتے ہوئے کہا ہے کہ اگر بی جے پی حکومت پہلے یہ فیصلہ لیتی تو کئی قیمتی جانیں ضائع نہ ہوتیں۔

ایک سوال کے جواب میں انہوں نے کہا کہ ہم نے پارلیمنٹ میں اس بل کے خلاف دھرنے کےساتھ ساتھ واک آﺅٹ بھی کیا تھا۔

انہوں نے مزید کہا کہ کانگریس پارٹی کا ہمیشہ یہ موقف رہا ہے کہ قوانین لوگوں کے لئے بنائے جاتے ہیں۔مگر جن قوانین سے لوگ ہی خوش نہ ہوں تو ان کے بنانے کا فائدہ ہی کیا ہے؟

مزید پڑھیں:Farm Laws Repealed: راکیش ٹکیت نے کہا کسان تحریک فوری طور پر واپس نہیں لی جائے گی

انہوں نے مزید کہا کہ کہا کہ اسمبلی انتخابات نے اس معاملہ میں غیر معمولی رول اداکیا ہے۔جس کی وجہ سے حکومت یہ بل منسوخ کرنے پر مجبور ہوئی۔

انہوں نے کہا کہ ہم سب کوحکومت کے اس اعلان کا خیرمقدم کرنا چاہئے۔